ກອງປະຊຸມເຜີຍແຜ່ແຜນການ ແລະ ມອບໝາຍໜ້າທີ່ ໃນການຮ່ວມມືກວດກູ້
ແລະ ທຳລາຍລະເບີດບໍ່ທັນແຕກ ຢູ່ແຂວງຫົວພັນ

    ກອງປະຊຸມເຜີຍແຜ່ແຜນການ ແລະ ມອບໝາຍໜ້າທີ່ ໃນການຮ່ວມມືກວດກູ້ ແລະ ທຳລາຍລະເບີດບໍ່ທັນແຕກ ຢູ່ແຂວງຫົວພັນ ສົກ
ປີ 2024-2025 ໄດ້ຈັດຂຶ້ນໃນວັນທີ 23 ກັນຍາ 2024 ນີ້, ໂດຍການເປັນປະທານຂອງ ສະຫາຍ ພົນຕີ ປະສິດ ທ່ຽງທໍາ ຮອງລັດຖະມົນ
ຕີກະຊວງປ້ອງກັນປະເທດ ຫົວໜ້າຄະນະຊີ້ນໍາລວມ, ມີບັນດາຄະນະກອງເສນາທິການ, ຄະນະຮັບຜິດຊອບ ພ້ອມດ້ວຍພາກສ່ວນກ່ຽວຂ້ອງ
ເຂົ້າຮ່ວມ.

     ສະຫາຍ ພັນໂທ ບຸນສຸກ ພິລາໄຊ ຮອງຫົວໜ້າພະແນກຄຸ້ມຄອງໄພພິບັດ ແລະ ແກ້ໄຂລະເບີດບໍ່ທັນແຕກ ຫ້ອງການກົມໃຫຍ່ເສນາທິ
ການກອງທັບ ຮັບຜິດຊອບດ້ານແຜນການ ແລະ ການສະຫຼຸບ, ສັງລວມວຽກງານການຮ່ວມມືກວດກູ້ ແລະ ທໍາລາຍລະເບີດບໍ່ທັນແຕກ ໄດ້
ຜ່ານແຜນການຮ່ວມມືກັບ ກະຊວງປ້ອງກັນປະເທດ ແຫ່ງ ສ.ຣັດເຊຍ ໃນການແກ້ໄຂບັນຫາລະເບີດບໍ່ທັນແຕກທີ່ຕົກຄ້າງ ເພື່ອມະນຸດສະທຳ
ຢູ່ແຂວງຫົວພັນ, ໂດຍອີງຕາມບົດບັນທຶກການເຮັດວຽກຮ່ວມກັນ ຂອງຄະນະຜູ້ແທນ ກະຊວງປອ້ງກັນປະເທດ ແຫ່ງ ສປປ ລາວ ກັບ ຄະ
ນະຜູ້ແທນ ກະຊວງປ້ອງກັນປະເທດແຫ່ງ ສ.ຣັດເຊຍ ຄັ້ງວັນທີ 31/07/2024, ອີງຕາມຂໍ້ຕົກລົງຂອງກະຊວງປ້ອງກັນປະເທດ ວ່າດ້ວຍການ
ຕົກລົງອະນຸມັດໃຫ້ ກົມໃຫຍ່ເສນາທິການກອງທັບ ຮ່ວມມືກວດກູ້ ແລະ ທໍາລາຍລະເບີດບໍ່ທັນແຕກ ກັບກະຊວງປ້ອງກັນປະເທດ ສະຫະພັນ
ຣັດເຊຍ ເພື່ອເສີມຂະຫຍາຍການພົວພັນຮ່ວມມືລະຫວ່າງ ກະຊວງປ້ອງກັນປະເທດ ແຫ່ງ ສປປ ລາວ ແລະ ກະຊວງປ້ອງກັນປະເທດ ແຫ່ງ
ສ.ຣັດເຊຍ ໃນດ້ານວຽກງານແກ້ໄຂບັນຫາລະເບີດບໍ່ທັນແຕກທີ່ຕົກຄ້າງ ເພື່ອມະນຸດສະທຳ ສົກປີ 2024-2025 ໃຫ້ໄດ້ຮັບປະສິດທິພາບ
ແລະ ປະສິດທິຜົນສູງ, ເພື່ອຊ່ວຍເຫຼືອປະຊາຊົນ ໃຫ້ພົ້ນຈາກຄວາມອັນຕະລາຍຂອງບັນຫາລະເບີດບໍ່ທັນແຕກທີ່ຕົກຄ້າງຈາກສົງຄາມ, ສ້າງ
ເງື່ອນໄຂເອື້ອອໍານວຍໃຫ້ປະຊາຊົນ ແລະ ອົງການປົກຄອງທ້ອງຖິ່ນ ໃນການພັດທະນາຊີວິດການເປັນຢູ່ ແລະ ເສດຖະກິດ-ສັງຄົມ, ເພື່ອເປັນ
ການປະກອບສ່ວນ ໃນການປະຕິບັດຍຸດທະສາດ ແຫ່ງຊາດ ວ່າດ້ວຍການແກ້ໄຂລະເບີດບໍ່ທັນແຕກທີ່ຕົກຄ້າງ ຢູ່ ສປປ ລາວ” ເສັ້ນທາງກ້າວ
ສູ່ຄວາມປອດໄພ III" ໃນນີ້, ພື້ນທີ່ກວດກູ້ ແລະ ທໍາລາຍ ລະເບີດບໍ່ທັນແຕກ ໄດ້ແບ່ງອອກເປັນ 2 ໄລຍະຄື: ໄລຍະທີ 1 ພື້ນທີ່ກວດກູ້ ແລະ
ທໍາລາຍລະເບີດບໍ່ທັນແຕກຢູ່ເມືອງວຽງໄຊ ມີ 5 ສະໜາມ ເຊິ່ງມີເນື້ອທີ່ຈໍານວນ 22,8 ເຮັກຕາ, ໄລຍະທີ 2 ພື້ນທີ່ກວດກູ້ ແລະ ທໍາລາຍລະ
ເບີດບໍ່ທັນແຕກ ເມືອງຊໍາໜືອ ມີ 5 ບ້ານ ຈໍານວນ 51 ເຮັກຕາ ເຊິ່ງກໍານົດເວລາກະກຽມ 3 ເດືອນ ແລະ ກໍານົດເວລາປະຕິບັດການກວດກູ້
ໃຫ້ສໍາເລັດ ໃນໄລຍະ 5 ເດືອນ.

     ໂອກາດນີ້, ສະຫາຍ ປະທານກອງປະຊຸມ ໄດ້ສະແດງຄວາມຍ້ອງຍໍຊົມເຊີຍ ຄະນະຮັບຜິດຊອບດ້ານຕ່າງໆ ໃນການກະກຽມແຜນການ
ດ້ວຍຄວາມຮັບຜິດຊອບສູງ ພ້ອມທັງເນັ້ນໜັກບາງບັນຫາທີ່ສໍາຄັນໃຫ້ທຸກພາກສ່ວນ ສືບຕໍ່ເອົາໃຈໃສ່ຈັດຕັ້ງປະຕິບັດບັນດາແຜນການ ກໍຄືໜ້າ
ວຽກທີ່ຍັງຄົງຄ້າງ ໃຫ້ທ່ວງທັນເວລາ ເພື່ອໃຫ້ການຈັດຕັ້ງປະຕິບັດການຮ່ວມມືກວດກູ້ ແລະ ທຳລາຍລະເບີດບໍ່ທັນແຕກຢູ່ແຂວງຫົວພັນ ສໍາ
ເລັດຕາມເນື້ອໃນແຜນການທີ່ວາງໄວ້.

ແຫຼ່ງຂ່າວໂດຍ ສົມຄິດ ພູມມີຈິດ
ວັນທີ 24/09/2024