ມອບ-ຮັບ ໂຄງການກໍ່ສ້າງຄ້າຍກອງພັນ 413
ພິທີມອບ-ຮັບໂຄງການກໍ່ສ້າງຄ້າຍກອງພັນ 413 ທີ່ຂຶ້ນກັບກອງພັນໃຫຍ່ 202 ກອງພົນທີ 2 ໄດ້ຈັດຂຶ້ນໃນວັນທີ 19 ທັນວານີ້,
ໂດຍການເຂົ້າຮ່ວມ
ຂອງ ສະຫາຍ ພົນຕີ ຄຳເພັດ ສີຊານົນ ຫົວໜ້າກົມໃຫຍ່ພະລາທິການກອງທັບ, ມີສະຫາຍ ສຸພາບ
ຂັນຕິພົງສະຫວັນ
ຮອງປະທານບໍລິສັດແກ້ວປະເສີດກໍ່
ສ້າງ ແລະ ສ້ອມແປງເຄຫາສະຖານຈຳກັດ, ມີຄະນະພັກ-ຄະນະບັນຊາກອງພົນທີ 2,
ພ້ອມດ້ວຍໜ່ວຍງານກວດກາຈາກກະຊວງປ້ອງກັນປະເທດ,
ພະແນກ
ການ-ຂະແໜງການທີ່ກ່ຽວຂ້ອງ ແລະ ຄະນະພັກ-ຄະນະບັນຊາກອງພັນໃຫຍ່ 202 ເຂົ້າຮ່ວມ.
ສະຫາຍ ສຸພາບ ຂັນຕິພົງ ສະຫວັນ ໄດ້ລາຍງານວ່າ: ໂຄງການກໍ່ສ້າງຄ້າຍກອງພັນ 413 ເປັນອາຄານຊັ້ນດຽວ ມີທັງໝົດ 18 ອາຄານ ໂດຍແມ່ນທຶນ ຂອງລັດຖະບານ ເຊິ່ງໄດ້ເລີ່ມລົງມືກໍ່ສ້າງແຕ່ເດືອນເມສາ 2016 ມາຮອດປັດຈຸບັນໄດ້ກໍ່ສ້າງສຳເລັດ 100% ໃນມູນຄ່າ 30.228.743.000 ກີບ. ໃນພິ ທີໄດ້ເຊັນບົດບັນທຶກມອບ-ຮັບຢ່າງເປັນທາງການ ເຊິ່ງຕາງໜ້າກ່າວຮັບໂດຍ ສະຫາຍ ພົນຈັດຕະວາ ວຽງແກ້ວ ສີສຸລາດ ຫົວໜ້າການເມືອງກອງພົນທີ 2.
ໂອກາດນີ້, ສະຫາຍ ພົນຕີ ຄຳເພັດ ສີຊານົນ ໄດ້ສະແດງຄວາມຂອບໃຈຕໍ່ບໍລິສັດແກ້ວປະເສີດກໍ່ສ້າງ ແລະ ສ້ອມແປງເຄຫາສະຖານຈຳກັດ ທີ່ໄດ້ເອົາ ໃຈໃສ່ທຸ້ມເທກຳລັງຊັບ ແລະ ສະຕິປັນຍາເຂົ້າໃນການກໍ່ສ້າງຄ້າຍກອງພັນ 413 ສຳເລັດຕາມແຜນການທີ່ວາງໄວ້. ພ້ອມດຽວກັນນີ້ ກໍຮຽກຮ້ອງໃຫ້ຄະນະ ພັກ-ຄະນະບັນຊາກອງພັນ 413 ເອົາໃຈໃສ່ສຶກສາອົບຮົມພະນັກງານ-ນັກຮົບ ພ້ອມກັນປົກປັກຮັກສາ ແລະ ນຳໃຊ້ໄດ້ຍາວນານ.
ແຫຼ່ງທີ່ມາ: ສຸວັນໂນ ທະລັງສີ
ວັນທີ 20/12/2022