ກົມໃຫຍ່ການເມືອງກອງທັບ ປິດການແຂ່ງຂັນກິລາສະໝັກຫຼິ້ນ ປະຈຳປີ 2022
ພິທີປິດການແຂ່ງຂັນກິລາສະໝັກຫຼິ້ນທົ່ວກົມໃຫຍ່ການເມືອງກອງທັບ ເພື່ອສ້າງຂະບວນການຂຳ່ນັບຮັບຕ້ອນວັນຊາດທີ 2 ທັນວາ ຄົບຮອບ 47 ປີ
(2 ທັນວາ 1975-2 ທັນວາ 2022) ແລະ ວັນຄ້າຍວັນເກີດປະທານ ໄກສອນ ພົມວິຫານ ຄົບຮອບ 102 ປີ ( 13 ທັນວາ 1920-13 ທັນວາ 2022)
ໄດ້ຈັດຂຶ້ນໃນວັນທີ 20 ທັນວາ 2022 ນີ້, ໂດຍການເປັນປະທານຂອງ ສະຫາຍ ພົນຕີ ວໍລະສານ ວິລັດດາວົງ ຮອງຫົວໜ້າກົມໃຫຍ່ການເມືອງກອງທັບ,
ມີ ສະຫາຍ ພົນຈັດຕະວາ ບຸນເຫຼືອ ໄຊຍະເພັນ ຫົວໜ້າຫ້ອງການເມືອງກົມໃຫຍ່ການເມືອງກອງທັບ, ມີຄະນະພັກ-ຄະນະບັນຊາ, ກົມ, ກອງ,
ຫ້ອງການຕະ
ຫຼອດນັກກິລາເຂົ້າຮ່ວມ.
ສະຫາຍ ພັນໂທ ອຳພອນ ສຸກມີໄຊ ຮອງຫົວໜ້າຫ້ອງການເມືອງ ໄດ້ຂຶ້ນຜ່ານບົດສະຫຼຸບເຊິ່ງໄດ້ຍົກໃຫ້ເຫັນບັນຍາກາດ ແລະ ຜົນຂອງການແຂ່ງຂັນທີ່ ໄດ້ດຳເນີນມາແຕ່ວັນທີ 3 ພະຈິກ 2022 ລວມວັນແຂ່ງຂັນທັງໝົດ 30 ວັນ, ການແຂ່ງຂັນໄດ້ແບ່ງອອກເປັນ 3 ປະເພດ 5 ລາຍການ ຄື: ກິລາບານສົ່ງ ຊາຍມີ 16 ທີມ, ກິລາບານສົ່ງຍິງມີ 5 ທີມ, ກິລາກະຕໍ້ມີ 16 ທີມ, ກິລາເປຕັງຊາຍມີ 34 ທີມ ແລະ ກິລາເປຕັງຍິງມີ 31 ທີມ. ສຳລັບຜົນການແຂ່ງຂັນປະ ເພດບານສົ່ງຊາຍທີ 1 ຫ້ອງການເມືອງ, ທີ 2 ກົມກວດກາ, ທີ 3 ກອງພັນ 988, ບານສົ່ງຍິງທີ 1 ຫ້ອງການກົມໃຫຍ່, ທີ 2 ກອງວິທະຍຸກອງທັບ, ທີ 3 ກອງພັນ 160, ກະຕໍ້ທີ 1 ໄອຍະການທະຫານຂັ້ນສູງ, ທີ 2 ຫ້ອງການບໍລິຫານ, ທີ 3 ກອງໂທລະພາບ, ເປຕັງຊາຍທີ 1 ໂທລະພາບກອງທັບ, ທີ 2 ໄອຍະ ການພາກກາງ, ທີ 3 ຫ້ອງການຊາວໜຸ່ມ; ເປຕັງຍິງທີ 1 ກອງພັນ 987, ທີ 2 ໂຮງພິມກອງທັບ, ທີ 3 ກອງພັນ 686. ໂອກາດນີ້ໃຫ້ກຽດມອບລາງວັນປະ ເພດ 1 ຂອງທຸກລາຍການໂດຍ ສະຫາຍ ພົນຕີ ວໍລະສານ ວິລັດດາວົງ ຮອງຫົວໜ້າກົມໃຫຍ່ການເມືອງກອງທັບ, ປະເພດ 2 ມອບໂດຍ ສະຫາຍ ພົນຈັດ ຕະວາ ບຸນເຫຼືອ ໄຊຍະເພັນ ຫົວໜ້າຫ້ອງການເມືອງກົມໃຫຍ່ການເມືອງກອງທັບ.
ໂອກາດດັ່ງກ່າວ ສະຫາຍ ພົນຕີ ວໍລະສານ ວິລັດດາວົງ ຍັງໄດ້ສະແດງຄວາມຍ້ອງຍໍຊົມເຊີຍຕໍ່ຄະນະຊີ້ນຳ, ຄະນະຮັບຜິດຊອບ, ກຳມະການຕັດສິນ ແລະ ນັກກິລາທຸກສະຫາຍທີ່ໄດ້ເອົາໃຈໃສ່ຕໍ່ໜ້າທີຄວາມຮັບຜິດຊອບຂອງຕົນຢ່າງສຸດກົກສຸດປາຍ ຈົນເຮັດໃຫ້ການແຂ່ງຂັນກິລາໃນຄັ້ງນີ້ປະສົບຜົນສຳເລັດຕາມ ແຜນການ ແລະ ທັງເປັນການເສີມສ້າງສຸຂະພາບຂອງພະນັກງານ-ນັກຮົບໃນທົ່ວກົມໃຫຍ່ການເມືອງກອງທັບ ໃຫ້ມີສຸຂະພາບແຂງແຮງ ແລະ ກໍ່ເປັນການ ປຸກລະດົມຄວາມສາມັກຄີພາຍໃນ-ພາຍນອກໃຫ້ເປັນປຶກແຜນແໜ້ນໜາ ເພື່ອພ້ອມກັນເຮັດສຳເລັດໜ້າທີອັນມີກຽດຂອງຕົນ.
ແຫຼ່ງທີ່ມາ: ບຸນຊ້ອຍ
ວັນທີ 21/12/2022