ທະຫານແຂວງອັດຕະປືເປັນເຈົ້າພາບ ຈັດພິທີປະກາດການເລື່ອນຊັ້ນພັນຕີ
ຂື້ນຊັ້ນພັນໂທໃຫ້ນາຍທະຫານ ບັນດາກົມກອງພາກໃຕ້

   ພິທີປະກາດການເລື່ອນຊັ້ນໃຫ້ນາຍທະຫານຈາກຊັ້ນ ພັນຕີ ຂຶ້ນຊັ້ນ ພັນໂທ ບັນດາກົມກອງເຂດພາກໃຕ້ ໄດ້ຈັດຂຶ້ນໃນວັນທີ 22 ມີນາ 2023 ນີ້, ຢູ່ກອງບັນຊາການທະຫານແຂວງອັດຕະປື ໂດຍການເປັນປະທານຂອງ ສະຫາຍ ພົນຕີ ວໍລະສານ ວິລັດດາວົງ ຮອງຫົວໜ້າກົມໃຫຍ່ການເມືອງກອງທັບ, ມີສະຫາຍ ພັນເອກໂຊກໄຊ ພິມມະລາ ຫົວໜ້າການເມືອງກອງບັນຊາການທະຫານແຂວງອັດຕະປື, ມີກົມທີ່ກ່ຽວຂ້ອງ, ບັນດາສະຫາຍໃນຄະນະພັກ-ຄະນະ ບັນຊາກອງບັນຊາການທະຫານແຂວງສາລະວັນ, ເຊກອງ, ອັດຕະປື, ກອງພົນທີ 5, ໂຮງ ຮຽນກໍ່ສ້າງນາຍ ສິບເລກ 2 ວຽງໄຊ, ກອງພັນໃຫຍ່ 501, ພ້ອມ ດ້ວຍພະນັກງານທີ່ໄດ້ຮັບການເລື່ອນຊັ້ນໃໝ່ເຂົ້າຮ່ວມ.

  ສະຫາຍ ພັນເອກ ໂສພາວັນ ທຳມະເທວາ ຮອງຫົວໜ້າກົມພະນັກງານ ກົມໃຫຍ່ການເມືອງກອງທັບ ໄດ້ຜ່ານຂໍ້ຕົກລົງຂອງກະຊວງປ້ອງກັນປະເທດ ວ່າ ດ້ວຍການເລື່ອນຊັ້ນນາຍທະຫານຈາກພັນຕີຂຶ້ນພັນໂທ ຂອງບັນດາກົມກອງກຳລັງຫຼວງ-ກຳລັງທ້ອງຖິ່ນ ເຂດພາກໃຕ້ ລວມທັງໝົດ 29 ສະຫາຍ, ຍິງ 6 ສະຫາຍ, ໃນນັ້ນ; ກອງບັນຊາການທະຫານແຂວງອັຕະປື ມີ 5 ສະຫາຍ, ກອງພົນທີ 5 ມີ 8 ສະຫາຍ, ໃນນັ້ນກອງພັນໃຫຍ່501 ມີ 4 ສະຫາຍ, ກອງ ຮ້ອຍເຄມີ 1 ສະຫາຍ, ກອງຮ້ອຍລົດລຳລຽງ 1 ສະ ຫາຍ, ກອງຮ້ອຍຜະລິດກະສິກຳ 1 ສະຫາຍ, ກອງຮ້ອຍປ້ອງກັນທີ່ຕັ້ງ 1 ສະຫາຍ, ກອງບັນຊາການທະ ຫານແຂວງສາລະວັນ ມີ 5 ສະຫາຍ, ໃນນັ້ນ; ມີກອງຮ້ອຍປ້ອງກັນທີ່ຕັ້ງ 1 ສະຫາຍ, ກອງຮ້ອຍສື່ສານ 1ສະຫາຍ, ໂຮງຮຽນການທະຫານທ້ອງຖີ່ນ 1 ສະ ຫາຍ, ກອງປະຕິບັດງານ 15 ມີ 1 ສະຫາຍ, ຫົວໜ້າໜ່ວຍງານຈັດຕັ້ງນັກຮົບເກົ່າ 1 ສະຫາຍ, ກອງບັນຊາການທະຫານແຂວງເຊກອງ ມີ 6 ສະຫາຍ, ໂຮງ ຮຽນກໍ່ສ້າງນາຍສິບເລກ 2 ວຽງໄຊມີ 5 ສະຫາຍ.

   ໂອກາດດັ່ງກ່າວ, ສະຫາຍ ພົນຕີ ວໍລະສານ ວິລັດດາວົງ ໄດ້ມີຄຳເຫັນສະແດງຄວາມຍ້ອງຍໍຊົມເຊີຍຕໍ່ບັນດາສະຫາຍທີ່ໄດ້ຮັບການເລື່ອນຊັ້ນໃໝ່ໃນ ຄັ້ງນີ້, ພ້ອມທັງໄດ້ເນັ້ນໜັກໃຫ້ເອົາໃຈໃສ່ເຮັດວຽກງານສຶກສາອົບຮົມການ ເມືອງ-ນຳພາແນວຄິດ ເຮັດໃຫ້ພະນັກງານ-ນັກຮົບ ເຊື່ອມຊຶມກຳແໜ້ນຕໍ່ແນວ ທາງປ່ຽນແປງໃໝ່ຂອງພັກ, ປະຕິບັດລະບຽບກົດໝາຍຂອງລັດ, ຂໍ້ກຳນົດກົດລະບຽບຂອງກອງທັບຢ່າງເຂັ້ມງວດ, ຕັ້ງໜ້າຄົ້ນຄວ້າຮ່ຳຮຽນພັດທະນາຕົນ ເອງໃນທຸກດ້ານ, ພັດທະນາກົມກອງໃຫ້ກາຍເປັນກົມກອງທີ່ມີແບບ ແຜນທັນສະໄໝ, ເປັນເຈົ້າການປະຕິບັດ 4 ໜ້າທີ່ໃຫຍ່ 26 ແຜນງານຂອງກະຊວງ ປ້ອງກັນປະເທດວາງອອກໃຫ້ປະກົດຜົນເປັນຈິງ, ສືບຕໍ່ຄົ້ນຄວ້າເຊື່ອມຊຶມແນວທາງນະໂຍບາຍຂອງພັກ-ລັດ, ມີສະຕິຕໍ່ການຈັດຕັ້ງ, ມີລະບຽບວິໄນເຂັ້ມ ງວດ, ສືບຕໍ່ຍົກສູງຄວາມຮັບຜິດຊອບຕໍ່ໜ້າທີ່ການ ເມືອງທີ່ໄດ້ຮັບມອບໝາຍ, ປັບປຸງແບບແຜນວິທີເຮັດວຽກໃຫ້ສອດຄ່ອງ, ມີແບບແຜນນຳພາແບບວິ ທະຍາສາດ-ປະດິດສ້າງ, ບົນພື້ນຖານປະຕິບັດຫຼັກການລວມສູນປະຊາທິປະໄຕ, ນຳພາເປັນໝູ່ຄະນະ, ແບ່ງໃຫ້ບຸກຄົນຮັບຜິດຊອບຢ່າງຈະແຈ້ງ ແລະ ສະຫຼຸບ ຖອດຖອນບົດຮຽນເປັນປົກກະຕິ, ເພີ່ມທະວີຄວາມສາມັກຄີໃຫ້ເປັນປຶກແຜ່ນແໜ້ນໜາ, ຕັ້ງໜ້າປະກອບສ່ວນເຂົ້າໃນການປັບປຸງກໍ່ສ້າງກົມກອງໃຫ້ໜັກ ແໜ້ນເຂັ້ມແຂງໃນທຸກດ້ານ, ກາຍເປັນໜ່ວຍພັກປອດໃສ ເຂັ້ມແຂງ ໜັກແໜ້ນ, ກົມກອງ 3 ປອດ, ກົມກອງວັດທະນະທຳ-ນັກ ຮົບວັດທະນະທຳ.

ແຫຼ່ງທີ່ມາ:ແສງຫຼ້າ ກຸວົງສາ
ວັນທີ 27/03/2023