ຫ້ອງວ່າການກະຊວງປ້ອງກັນປະເທດ ເປີດຂະບວນການແຂ່ງຂັນກິລາ
ວັນທີ 18 ພະຈິກ 2022 ນີ້, ຫ້ອງວ່າການກະຊວງປ້ອງກັນປະເທດ ໄດ້ເປີດຂະບວນການແຂ່ງຂັນກິລາທົ່ວຫ້ອງວ່າການກະຊວງ
ເພື່ອສ້າງຂະບວນການ
ຂໍ່ານັບຮັບຕ້ອນວັນສຳຄັນຕ່າງໆຂອງພັກ, ຂອງຊາດ ແລະ ຂອງກອງທັບ, ໂດຍການເປັນປະທານຂອງ ສະຫາຍ ພົນຈັດຕະວາ ຄຳມ່ວນ ເລືອງວັນຫຼ້າ
ຮອງ
ຫົວໜ້າຫ້ອງວ່າການກະຊວງປ້ອງກັນປະເທດ, ມີຄະນະພັກ-ຄະນະບັນຊາກົມ, ຫ້ອງການ, ກອງ, ບໍລິສັດ-ລັດວິສາຫະກິດ,
ຄະນະຮັບຜິດຊອບຂະບວນການ
ແຂ່ງຂັນກິລາ ຕະຫຼອດຮອດນັກກິລາ ແລະ ແຂກຖືກເຊີນເຂົ້າຮ່ວມ.
ສະຫາຍ ພົນຈັດຕະວາ ຄຳມ່ວນ ເລືອງວັນຫຼ້າ ໄດ້ກ່າວວ່າ: ການເປີດຂະບວນການແຂ່ງຂັນກິ ລາໃນຄັ້ງນີ້, ກໍເພື່ອເປັນການສ້າງຂະບວນການ,
ສ້າງ
ຜົນງານຂໍ່ານັບຮັບຕ້ອນບັນດາວັນປະຫວັດສາດສຳຄັນຕ່າງໆຂອງຊາດ, ຂອງພັກ ແລະ ຂອງກອງທັບ, ໂດຍສະເພາະວັນຊາດທີ 2 ທັນວາ ຄົບຮອບ 47 ປີ
(2
ທັນວາ 1975-2 ທັນວາ 2022), ວັນສ້າງຕັ້ງກອງທັບປະຊາຊົນລາວຄົບຮອບ 74 ປີ (20 ມັງກອນ 1949-20 ມັງກອນ 2023), ວັນຄ້າຍວັນເກີດ
ປະທານ ໄກສອນ ພົມວິຫານ ຄົບຮອບ 102 ປີ ແລະ ກອງປະຊຸມໃຫຍ່ 3 ຂັ້ນຂອງພັກ ທີ່ຈະມາເຖິງນີ້ໃຫ້ມີບັນຍາກາດຟົດຟື້ນກວ້າງຂວາງ,
ທັງເປັນການ
ເຝິກຝົນກຳລັງກາຍຂອງພະນັກງານ-ນັກຮົບໃຫ້ມີສຸຂະພາບແຂງແຮງ ແລະ ຮັດແໜ້ນຄວາມສາມັກຄີເຊິ່ງກັນ ແລະ ກັນ ລະຫວ່າງພະນັກງານ-ນັກຮົບດ້ວຍ
ກັນໃນກົມກອງອີກດ້ວຍ. ກິລາທີ່ຈະນຳມາແຂ່ງຂັນລວມມີ 6 ປະເພດຄື: ກິລາບານສົ່ງຊາຍ, ບານສົ່ງຍິງ, ເປຕັງຍິງ, ເປຕັງຊາຍ, ດຶງເຊືອກຍິງ ແລະ
ດຶງ
ເຊືອກຊາຍ. ນອກຈາກນີ້, ຍັງມີກິດຈະກຳເພື່ອສ້າງໃຫ້ຂະບວນການແຂ່ງຂັນກິລາຟົດຟື້ນມ່ວນຊື່ນ ເປັນຕົ້ນແມ່ນ: ຢຽບປູມເປົ້າ, ແຍ່ເຂັມ-ເປົ່າປູມເປົ້າ ແລະ
ໂຍນຮັບໝາກປູມເປົ້າ, ສຳລັບກິລາບານສົ່ງຊາຍ ມີ 10 ທີມເຂົ້າຮ່ວມແຂ່ງຂັນ, ບານສົ່ງຍິງ ມີ 3 ທີມ, ເປຕັງຊາຍ ມີ 14 ທີມ, ເປຕັງຍິງ ມີ 14 ທີມ,
ດຶງ
ເຊືອກຊາຍ ມີ 9 ທີມ ແລະ ດຶງເຊືອກຍິງ ມີ 6 ທີມ ເຂົ້າຮ່ວມແຂ່ງຂັນ.
ແຫຼ່ງທີ່ມາ: ໜັງສືພິມກອງທັບ
ວັນທີ 21/11/2022