ທາບທາມບຸກຄະລາກອນລົງສະໝັກຮັບເລືອກຕັ້ງ ຄະນະບໍລິຫານງານພັກ ກອງພົນທີ 2

    ວັນທີ 19 ພະຈິກ 2024 ນີ້, ກອງພົນທີ 2 ໄດ້ເປີດກອງປະຊຸມທາບທາມບຸກຄະລາກອນລົງສະໝັກຮັບເລືອກຕັ້ງເຂົ້າຄະນະບໍລິ
ຫານງານພັກ ສະໄໝທີ VII ຮອບທີ 3, ໂດຍການເປັນປະທານຂອງ ສະຫາຍ ພົນຈັດຕະວາ ແສງມະນີວອນ ຄຳມະນີ ກຳມະການຄະນະ
ພັກກະຊວງ ຮອງຫົວໜ້າກົມໃຫຍ່ການເມືອງກອງທັບ, ມີີວິຊາການຈາກກະຊວງປ້ອງກັນປະເທດ, ມີບັນດາສະຫາຍຄະນະພັກກອງພົນ,
ຄະນະພັກຮາກຖານ, ຄະນະໜ່ວຍພັກ ແລະ ຜູ້ແທນສົມບູນ ເຂົ້າຮ່ວມ.

     ສະຫາຍ ພົນຈັດຕະວາ ຄຳດີ ໄຊຍະວົງ ຮອງເລຂາຄະນະພັກ ຫົວໜ້າການທະຫານກອງພົນທີ 2 ໄດ້ກ່າວເປິດກອງປະຊຸມ ພ້ອມ
ທັງຜ່ານຮ່າງບົດລາຍງານການເມືອງທັງສອງພາກ, ຈາກນັ້ນ ສະຫາຍ ພັນເອກ ສອນເພັດ ຈັນສົມ ຄະນະພັກກອງພົນ ຫົວໜ້າຫ້ອງ
ເສນາທິການ ກອງພົນທີ2 ໄດ້ຜ່ານຮ່າງບົດສໍາຫຼວດການນໍາພາລວມຂອງຄະນະພັກ ກອງພົນ ສະໄໝທີ Vl, ກອງປະຊຸມໄດ້ຮັບຟັງ
ການປະກອບຄຳຄິດ-ຄຳເຫັນ ຈາກຜູ້ແທນກອງຊຸມຢ່າງກົງໄປກົງມາ ແລະ ມີເນື້ອໃນຄົບຖ້ວນ, ຈາກນັ້ນ, ສະຫາຍ ພັນຕີ ຄໍາໝັ້ນ ມິດ
ສຸພົນ ວິຊາການກົມຈັດຕັ້ງພັກ ກົມໃຫຍ່ການເມືອງກອງທັບ ໄດ້ຜ່ານມາດຖານ, ເງື່ອນໄຂ ຂອງຜູ້ທີ່ຈະສະໝັກເລືອກຕັ້ງເຂົ້າໃນຄະນະ
ບໍລິຫານງານພັກ ກອງພົນ ສະໄໝທີ Vll, ຕ້ອງເປັນຄົນທີ່ມີຄຸນທາດການເມືອງໜັກແໜ້ນ, ມີຄຸນສົມບັດສິນທໍາປະຕິວັດ ແລະ ແບບ
ແຜນດໍາລົງຊີວິດທີ່ບໍລິສຸດ, ປອດໃສ, ມີຄວາມຮູ້ຄວາມສາມາດ, ກໍາແໜ້ນທິດສະດີມາກ-ເລນິນ, ແນວຄິດ ໄກສອນ ພົມວິຫານ, ກໍາ
ແໜ້ນແນວທາງແຜນນະໂຍບາຍຂອງພັກ, ມີລະດັບວິຊາສະເພາະໃດໜຶ່ງທີ່ແນ່ນອນ, ມີແບບແຜນການນໍາພາ ແລະ ວິທີເຮັດວຽກໂປ່ງ
ໃສ, ສອດຄ່ອງ, ຍຸຕິທໍາ, ຖືກຕ້ອງຕາມຫຼັກການລວມສູນປະຊາທິປະໄຕຂອງພັກຢ່າງເຂັ້ມງວດ, ມີສຸຂະພາບແຂງແຮງດີ, ສາມາດປະຕິ
ບັດໜ້າທີ່ການເມືອງທີ່ການຈັດຕັ້ງມອບໝາຍຢ່າງມີຜົນສໍາເລັດ.

     ສະຫາຍ ພົນຈັດຕະວາ ແສງມະນີວອນ ຄໍາມະນີ ໄດ້ມີຄໍາເຫັນຊີ້ນໍາໃຫ້ຜູ້ແທນກອງປະຊຸມໃຊ້ສິດປະຊາທິປະໄຕຂອງຕົນເຂົ້າໃນ
ການປ່ອນບັດຄັດເລືອກເອົາບຸກຄະລາກອນຜູ້ສະໝັກຮັບເລືອກຕັ້ງ ເຂົ້າໃນຄະນະບໍລິຫານງານພັກກອງພົນ ດ້ວຍຄວາມຮັບຜິດ
ຊອບສູງ, ມີຈຸດສຸມ ແລະ ສັດຈະວິພາກ, ຫຼີກລ່ຽງແນວຄິດອະຄະຕິ, ກຸ່ມກ້ອນ, ຈູ້ມເຈື້ອເຊື້ອສາຍ, ໃຫ້ເບິ່ງທັດສະນະຫຼັກໝັ້ນຊົນ
ຊັ້ນ, ນໍ້າໃຈຟົດຟື້ນປະຕິວັດ, ຄວາມຈົງຮັກພັກດີຕໍ່ແນວທາງນະໂຍບາຍຂອງພັກ-ລັດ, ມີຄວາມຮູ້ຄວາມສາມາດໃນການນໍາພາ-ບັນ
ຊາ, ເຮັດສໍາເລັດໜ້າທີ່ການເມືອງທີ່ໄດ້ຮັບມອບໝາຍ. ຈາກນັ້ນ, ຜູ້ແທນສົມບູນ ກໍໄດ້ໃຊ້ສິດປະຊາທິປະໄຕຂອງຕົນປ່ອນບັດຄັດ
ເລືອກເອົາບຸກຄະລາກອນຮັບສະໝັກເລືອກຕັ້ງເຂົ້າໃນຄະນະບໍລິຫານງານພັກກອງພົນ ສະໄໝທີ VII ຮອບທີ 3 ໄດ້ຕາມຄາດໝາຍ.

ແຫຼ່ງຂ່າວໂດຍ ຮ້ອຍເອກ ສຸວັນໂນ ທະລັງສີ
ວັນທີ 19/11/2024