ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສໍາເລັດທຸກຫນ້າທີ່

ກອງພັນ 701 ຖືເອົາການປູກ-ການລ້ຽງເປັນສຳຄັນ


     ປະຕິບັດຕາມທິດນຳ ເພິ່ງຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງ ດ້ວຍຕົນເອງ ເພື່ອປັບປຸງ, ກໍ່ສ້າງກົມກອງ ໃຫ້ມີຄວາມເຂັ້ມແຂງໜັກ
ແໜ້ນ ໃນທຸກດ້ານ ໃນນັ້ນ, ວຽກງານແກ້ໄຂຊີວິດ ການເປັນຢູ່ຂອງພະນັກງານ-ນັກຮົບ ກໍແມ່ນໜຶ່ງ ໃນໜ້າທີ່ສຳຄັນ ຂອງກຳລັງເຮົາ, ເວົ້າສະເພາະຢູ່ກອງ
ພັນ 701, ກອງພັນໃຫຍ່ 102 ກໍນັບວ່າເປັນກົມກອງຮາກຖານໜຶ່ງ ທີ່ມີບົດບາດ ພົ້ນເດັ່ນທາງດ້ານວຽກງານສ້າງພະລາທິການ ກັບທີ່ ເພື່ອແກ້ໄຂຊີວິດ
ການເປັນຢູ່ໄດ້ຢ່າງແຂງແຮງ ແລະ ມີທ່າກ້າວຂະຫຍາຍຕົວ.

     ຍ້ອນການຊີ້ນຳ ຂອງຄະນະພັກ-ຄະນະບັນຊາ ກອງພົນ ກໍຄື ກອງພັນໃຫຍ່ 102 , ໂດຍມີຂໍ້ກຳນົດ, ແຈ້ງການ ແລະ ມະຕິຄຳສັ່ງ ຂອງ ຄະນະພັກ-ຄະ
ນະບັນຊາ ຂັ້ນເທິງ ເປັນບ່ອນອີງພື້ນຖານ ໃນ ການຈັດຕັ້ງປະຕິບັດໜ້າທີ່ວຽກງານ. ກອງພັນ 701 ແມ່ນກົມກອງຮາກຖານໜຶ່ງ ທີ່ມີບົດບາດ ສຳຄັນໃນ
ການເຄື່ອນໄຫວ ຮັບປະກັນ ເຮັດໃຫ້ຂອບເຂດກົມກອງ ຮັບຜິດຊອບ ມີຄວາມສະຫງົບ ໂດຍພື້ນຖານ, ເຊິ່ງຍາມໃດ ຄະນະພັກ-ຄະນະບັນຊາ ກໍໄດ້ຊີ້ນຳ
ບັນຊາກົມກອງປັບປຸງກໍ່ສ້າງກຳລັງ ອົບຮົມຫັດແອບ ລະບຽບແບບແຜນ ກຽມພ້ອມສູ້ຮົບ ແລະ ເຄື່ອນໄຫວສູ້ຮົບ ຕາມຄຳສັ່ງຂອງຂັ້ນເທິງຮັບປະກັນ ດ້ານ
ບຸກຕີ ແລະ ຈັ້ງທ່າ, ປ້ອງກັນຈຸດຫຼໍ່ແຫຼມ, ປ້ອງກັນເປົ້າໝາຍ, ກໍ່ສ້າງຮາກຖານການ ເມືອງ ແກ້ໄຂປາກົດການຫຍໍ້ທໍ້ ຢູ່ຕາມຮາກຖານປະຊາຊົນ, ຕ້ານ ແລະ
ສະກັດກັ້ນໄພພິບັດທາງທຳມະຊາດ ຕາມຂອບເຂດກົມກອງ ຜິດຊອບຕາມ ໂດຍປິ່ນອ້ອມ 4 ໜ້າ ທີ່ໃຫຍ່ 26 ແຜນງານ ທີ່ຄະນະພັກ ກະຊວງປ້ອງກັນປະ
ເທດ ວາງອອກ. ກອງພັນ 701 ປະກອບມີ 1 ຄະນະພັກຮາກຖານ, ມີ 3 ໜ່ວຍພັກຂຶ້ນກັບ. ເພື່ອເຮັດໃຫ້ຊີວິດການເປັນຢູ່ ຂອງພະນັກງານນັກຮົບໃນກົມ
ກອງດີຂຶ້ນ ແລະ ມີຄວາມເຂັ້ມແຂງ ເຮັດສຳເລັດ ໜ້າທີ່ການເມືອງ ແລະ ວິຊາສະເພາະ ຂອງຕົນນັ້ນ ຄະນະພັກຄະນະບັນຊາ ໄດ້ເອົາໃຈໃສ່ຊີ້ນຳ ພະນັກງານ-
ນັກຮົບ ທຳການຜະລິດ ແລະ ອອກແຮງງານ ໃຫ້ເປັນຂະບວນການ ໂດຍປະຕິບັດ ຕາມຄຳຂວັນທີ່ວ່າ: ເພິ່ງຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງ
ດ້ວຍຕົນເອງ ອີງໃສ່ທ່າແຮງ ຂອງກົມກອງ. ໃນນັ້ນ, ໄດ້ເລັ່ງໃສ່ການປູກຝັງ-ລ້ຽງສັດ ແລະ ຊອກແຫຼ່ງລາຍຮັບຈາກການບໍລິການຕ່າງໆ ສາມາດສ້າງລາຍ
ຮັບເຂົ້າຄັງລວມ ໃນແຕ່ລະປີ ຫຼາຍສົມຄວນ.

     ສະຫາຍ ຮ້ອຍໂທ ສາຄອນ ພວງເພັດ ຫົວໜ້າພະລາທິການ ກອງພັນ ດັ່ງກ່າວໃຫ້ຮູ້ວ່າ: ໃນໄລ ຍະຜ່ານມາ ຄະນະພັກ-ຄະນະບັນຊາ ພວກເຮົາ ໄດ້
ສຸມໃສ່ການປູກ-ການລ້ຽງ ໄປພ້ອມກັບການຍູ້ແຮງຂະບວນການເພີ່ມພູນ ຜະລິດຜົນ ເປັນບັນຫາທີ່ຂາດບໍ່ໄດ້, ໃນປີຜ່ານມາ ກົມກອງສາມາດກຸ້ມຕົນເອງ
ແລະ ສ້າງຄວາມເຂັ້ມແຂງດ້ວຍຕົນເອງ ຈາກການ ປູກກ້ວຍ, ປູກສາລີ, ປູກອ້ອຍຫວານ, ປູກໝາກເດືອຍ, ປູກເຂົ້ານາປີ, ປູກມັນຕົ້ນ, ພືດຜັກຊະນິດຕ່າງໆ
ຕາມລະດູການ. ນອກນັ້ນຍັງໄດ້ລ້ຽງງົວ 8 ໂຕ, ລ້ຽງແບ້ 4 ໂຕ, ລ້ຽງໝູ 16 ໂຕ, ລ້ຽງສັດປີກ 915 ໂຕ, ລ້ຽງກົບ, ລ້ຽງປາດຸກພັນ ເຊິ່ງສາມາດສ້າງລາຍ
ຮັບຈາກການປູກຝັງ-ລ້ຽງສັດ ແລະ ບໍລິການຕ່າງໆ ໄດ້ 163.579.000 ກີບ. ໂດຍທຶນດັ່ງກ່າວນັ້ນໄດ້ໝູນໃຊ້ເຂົ້າ ໃນວຽກງານລວມເປັນຕົ້ນແມ່ນປັບ
ປຸງກໍ່ສ້າງສະຖານທີ່ຄ້າຍຄູ, ທີ່ຢູ່ອາໄສ ສາງຄັງ ເຮືອນຄົວລວມ, ຫ້ອງການ, ປ່ຽນຖ່າຍເຄື່ອງໃຊ້ໄຟຟ້າ, ຫ້ອງນ້ຳໃຫ້ສະອາດຈົບງາມຕາມແບບວັດທະນະທຳ
ຂຶ້ນ ເປັນກ້າວໆ.