ຫົວໜ້າການເມືອງກອງພັນໃຫຍ່ 642 ລົງຊຸກຍູ້ການຜະລິດເຂົ້ານາແຊງ
ພັນເອກ ແສງມະນີ ວອນຄຳມະນິ ລົງກວດກາການຜະລິດເຂົ້ານາແຊງປະຈຳປີ 2019
ໃນທ້າຍເດືອນມີນາ 2019 ນີ້, ສະຫາຍ ພັນເອກ ແສງມະນີ ວອນຄຳມະນິ ເລຂາຄະນະພັກ, ຫົວໜ້າການເມືອງກອງພັນໃຫຍ່ 642 ການຜະລິດເຂົ້ານາແຊງ ປະຈຳ
ປີ 2019 ຢູ່ສະຖານທີ່ເຮັດການຜະລິດຂອງກົມກອງ. ໃນການລົງກວດກາໃນຄັ້ງນີ້,
ສະຫາຍ ບຸນເພັງ ເທບພາພອນ ຫົວໜ້າຂະແໜງຜະລິດ, ຜູ້ຮັບຜິດຊອບໂດຍກົງ ໃນການປູກເຂົ້ານາແຊງ ໃນປີນີ້ກໍໄດ້ລາຍງານສະພາບໂດຍລວມເຊິ່ງໄດ້ຍົກໃຫ້ເຫັນ
ຂໍ້ສະດວກ-ຂໍ້ຫຍຸ້ງຍາກທີ່ຈະຕ້ອງຖອດຖອນເປັນບົດຮຽນໃນຕໍ່ໜ້າ, ໃນນັ້ນການປູກເຂົ້ານາແຊງໃນປີນີ້ໄດ້ເລີ່ມລົງມືມາແຕ່ທ້າຍເດືອນທັນວາ ປີ 2018 ທີ່ຜ່ານມາໃນເນື້ອ
ທີ່ທັງໝົດຈຳນວນ 7 ເຮັກຕາ. ປັດຈຸບັນນີ້ພວມຢູ່ໃນໄລຍະບົວລະບັດຮັກສາ ໂດຍລວມແລ້ວຖ້າທຽບໃສ່ປີຜ່ານມາເຫັນວ່າມີການເພີ່ມຂຶ້ນ ແລະ ຕົ້ນເຂົ້າກໍງອກງາມຄາດ
ກະວ່າຜົນໄດ້ຮັບຈະໄດ້ລື່ນຄາດໝາຍທີ່ວາງອອກ.
ໂອກາດດັ່ງກ່າວສະຫາຍຫົວໜ້າການເມືອງກອງພັນໃຫຍ່ 642 ໄດ້ສະແດງຄວາມຍ້ອງຍໍຊົມເຊີຍຕໍ່ບັນດາອ້າຍນ້ອງໜ່ວຍງານຜະລິດທີ່ເອົາໃຈໃສ່ບົວລະບັດຮັກສາ
ເຂົ້ານາດັ່ງກ່າວ. ຈາກນັ້ນສະຫາຍຍັງໄດ້ເນັ້ນໜັກມາຍັງບັນດາສະຫາຍພະນັກງານວິຊາການດັ່ງກ່າວ ຈົ່ງເພີ່ມທະວີຄວາມຮັບຜິດຊອບນຳເອົາຄວາມຮູ້ຄວາມສາມາດ ທີ່
ຮຽນມາປະກອບສ່ວນເຂົ້າໃນການປູກເຂົ້າລະດູນີ້ໃຫ້ມັນໄດ້ຮັບໝາກຜົນຕາມເປົ້າຫມາຍ.