ປູກຝັງ-ລ້ຽງສັດກໍເດັ່ນ ປະຕິບັດລະບຽບວິໄນກໍດີ
ສະຫາຍ ຮ້ອຍໂທ ອຳໄພ ມິ່ງທະໄຊ
ເມື່ອເວົ້າເຖິງບຸກຄົນທີ່ດຸໝັ່ນ, ຫ້າວຫັນ ແລະ ມີຄວາມບຸກບືນຕັ້ງໜ້າສູ້ຊົນ, ປະຕິບັດຄຳສັ່ງຂອງຜູ້ ບັນຊາ, ຂໍ້ກຳນົດກົດລະບຽບຂອງກົມກອງ ໄດ້
ດີແລ້ວນັ້ນ ແລະ ຍັງດຸໝັ່ນໃນການອອກແຮງງານເພີ່ມພູນຜະລິດຜົນປູກຝັງ-ລ້ຽງສັດ, ປະຢັດມັດທະຍັດ, ບົນຈິດໃຈເພິ່ງຕົນເອງ, ກຸ້ມຕົນເອງ ແລະ ສ້າງ
ຄວາມເຂັ້ມແຂງດ້ວຍຕົນເອງນັບວ່າເປັນບຸກຄົນທີ່ເປັນແບບຢ່າງ ແລະ ຢືນຢູ່ແຖວໜ້າຂອງກົມກອງຕະຫຼອດມາ.
ສະຫາຍ ຮ້ອຍໂທ ອຳໄພ ມິ່ງທະໄຊ ເຊິ່ງເປັນລູກຂອງ ພໍ່ ບຸນສວນ ແລະ ແມ່ໄມຈັນ ມິ່ງທະໄຊ ຢູ່ບ້ານຊະນະໄຊ ເມືອງ ປາກຊັນ ແຂວງ ບໍລິຄຳໄຊ ດິນ
ແດນຖິ່ນອາໄສສາວເມີ້ຍຜູ້ໂສພາ ຖິ່ນຢູ່ໂຕເສົາຫຼາໄມ້ເກດສະໜາລາຄາແພງທົ່ງນາແຊງກວ້າງໄກພະບາດໃຫຍ່ໂພນສັນຄົນຊ່າ ລືກ່າວເອີ້ນກຸຫຼາບປາກຊັນ.
ພາຍຫັຼງທີ່ຮຽນຈົບມັດຖະຍົມຕອນປາຍໃນປີ 2012 ສະຫາຍ ກໍໄດ້ໄປສຶກສາຕໍ່ສາຍການເມືອງ-ການປົກຄອງຂັ້ນປະລິນຍາຕີ ຢູ່ ສສ ຫວຽດນາມເປັນເວ
ລາ 5 ປີ, ຫຼັງຈາກຮຽນຈົບ ຍ້ອນມີນໍ້າໃຈຮັກຊາດຢາກປະກອບສ່ວນເຂົ້າໃນວຽກງານປ້ອງຊາດ ກໍຄືການປະກອບສ່ວນເຂົ້າໃນພາລະກິດປົກປັກຮັກສາ ແລະ
ສ້າງສາພັດທະນາປະເທດຊາດ, ສະຫາຍຈຶ່ງໄດ້ຕັດສິນໃຈກ້າວເຂົ້າ ສູ່ຄອບຄົວໃຫຍ່ກອງທັບ ເພື່ອປະກອບສ່ວນຮັບໃຊ້ຊາດ, ຮັບໃຊ້ປະຊາຊົນດ້ວຍຈິດໃຈ
ປະຕິວັດໃນ ວັນທີ 26 ຕຸລາ 2017 ເຊິ່ງສັງກັດຢູ່ ກອງພັນ ເຄື່ອນທີ່ໄວ 428 ກອງພັນໃຫຍ່ 497 ຈາກນັ້ນ, ສະຫາຍ ໄດ້ຮຽນຮູ້ຂໍ້ກຳນົດກົດລະບຽບ
ຕ່າງໆ ຂອງກອງທັບ ເປັນຕົ້ນແມ່ນຮຽນ ຮູ້ຄຳປະຕິຍານ 8 ຂໍ້ຂອງກອງທັບ, ວິໄນ 8 ຂໍ້ຂອງກອງທັບ, ລະບຽບ 12 ຂໍ້ຕໍ່ປະຊາຊົນ ແລະ ຂໍ້ກຳນົດ 7 ລະ
ບອບ 18 ວຽກໃນມື້ໜຶ່ງຂອງກອງທັບ. ໃນເບື້ອງຕົ້ນ ສະຫາຍ ຍັງບໍ່ທັນໄດ້ລຶງເຄີຍກັບການຢູ່ຮ່ວມກັນຫຼາຍຄົນໃນຄອບຄົວໃຫຍ່ ບວກກັບການມີລະ
ບຽບວິໄນທີ່ເຂັ້ມງວດ, ແຕ່ສະຫາຍກໍຄ່ອຍໆປັບປຸງເຝິກຝົນຫຼໍ່ຫຼອມຕົນເອງບໍ່ວ່າຈະເປັນຄວາມຮູ້, ຄວາມສາມາດ, ຄຸນສົມບັດສິນທຳປະຕິວັດ ແລະ ເອົາ
ໃຈໃສ່ປະຕິບັດບັນດາມະຕິຄຳສັ່ງຂອງຜູ້ບັນ ຊາແຕ່ລະຂັ້ນ, ປະຕິບັດຂໍ້ກຳນົດກົດລະບຽບຂອງກອງທັບ ແລະ ຂອງກົມກອງວາງອອກໄດ້ເປັນຢ່າງດີ.
ສະຫາຍຍັງເປັນບຸກຄົນທີ່ມີນໍ້າໃຈເອື້ອເຟື້ອເພື່ອແຜ່ ແລະ ມີຄວາມສາມັກຄີຮັກແພງກັບໝູ່ ເພື່ອນມິດສະຫາຍຢູ່ໃນກົມກອງຢ່າງແໜ້ນແຟ້ນ, ນອກ
ຈາກປະຕິບັດລະບຽບວິໄນໄດ້ດີແລ້ວ ສະຫາຍ ຮ້ອຍໂທ ອຳໄພ ມິ່ງທະໄຊ ຍັງເປັນຜູ້ທີ່ມີທັດສະນະໃນການອອກແຮງງານເພີ່ມພູນຜະລິດຜົນປູກຝັງ-ລ້ຽງສັດ
ເພື່ອສ້າງແຫ່ຼງລາຍຮັບໃຫ້ແກ່ຕົນເອງ ໂດຍບໍ່ອີງໃສ່ແຕ່ເງິນເດືອນທີ່ຂັ້ນເທິງ ຕອບສະໜອງໃຫ້, ເຊິ່ງໃນເວລາວ່າງ ສະຫາຍ ຈະກົ້ມໆເງີຍໆຢູ່ກັບຮົ້ວສວນ,
ໄດ້ປູກພືດຜັກຊະນິດຕ່າງໆ ເປັນຕົ້ນແມ່ນຜັກກາດ, ຜັກ ບົ້ງ, ຜັກຫົມ, ຜັກໜອກ, ຜັກຫອມ ບ່ົວ-ຫອມປ້ອມ ເພື່ອມອບພັນທະໃຫ້ກົມກອງ ແລະ ຂາຍໃຫ້
ແມ່ຄ້າທາງນອກ ຫຼື ບາງເທື່ອແມ່ຄ້າກໍ ເຂົ້າມາຊື້ຢູ່ໃນສວນ, 1 ປີຜ່ານມາ ສະຫາຍ ສາມາດສ້າງລາຍຮັບຈາກການປູກຝັງ-ລ້ຽງສັດໄດ້ປະມານ 3.552.000
ກີບ ຍັງມີເງິນຝາກໄວ້ຢູ່ທະນາຄານຈຳນວນໜຶ່ງ.
ສະຫາຍ ພັນໂທ ບຸນຈັນ ຊາຍຍະກຸນ ຮອງຫົວໜ້າການເມືອງ ກອງພັນ 428 ໄດ້ຢັ້ງຢືນວ່າ: ສະຫາຍ ຮ້ອຍໂທ ອຳໄພ ມິ່ງທະໄຊ ເປັນຜູ້ໜຶ່ງທີ່ດີເດັ່ນ,
ມີຄວາມຈູບຈ້າວຫ້າວຫັນຕໍ່ໜ້າທີ່ວຽກງານຂອງຕົນທີ່ໄດ້ຮັບການມອບໝາຍ ແລະ ປະຕິບັດຂໍ້ກຳນົດກົດລະບຽບຕ່າງໆ ຂອງກົມກອງໄດ້ດີ ໂດຍສະເພາະ
ແມ່ນຂໍ້ກຳນົດ 7 ລະບອບ 18 ວຽກໃນມື້ໜຶ່ງຂອງກອງທັບຢ່າງເຂັ້ມງວດ. ຍ້ອນຄວາມດຸໝັ່ນຂະຫຍັນພຽນ ແລະ ຄຸນສົມບັດສິນທຳປະຕິວັດ ສະຫາຍ
ຈຶ່ງໄດ້ຮັບການຍ້ອງຍໍສັນລະເສີນຈາກ ຄະນະພັກ-ຄະນະບັນຊາ ແລະ ພະນັກງານ-ນັກຮົບຢູ່ໃນກົມກອງຕະຫຼອດມາ, ສົມແລ້ວທີ່ເປັນພະນັກງານທີ່ຫ້າວຫັນ
ແລະ ເປັນບຸກຄົນຕົວແບບຢ່າງທີ່ດີຂອງກົມກອງ.
ຂ່າວ-ພາບ: ທະນູວັນ
ວັນທີ 09/08/2021