ກອງພັນ 701 ສຳເລັດບັ້ນອົບຮົມ-ຫັດແອບ ຊ້ອມຮົບຍຸດທະວິທີ ບຸກຕີສັດຕູຈັ້ງທ່າຂັ້ນໝວດ
ໃນວັນທີ 9 ທັນວາ 2022 ຜ່ານມາ ກອງພັນນ້ອຍ 701 ຂຶ້ນກັບກອງພັນໃຫຍ່ 102 ກອງພົນທີ1 ໄດ້ສຳເລັດບັ້ນອົບຮົມ-ຫັດແອບ
ຊ້ອມຮົບຍຸດທະ
ວິທີບຸກຕີສັດຕູຈັ້ງທ່າຂັ້ນໝວດ ປະຈຳປີ 2022, ໂດຍການເປັນປະທານຂອງ ສະຫາຍ ພັນເອກ ຄຳຊາວ ລິນທະກຸນແກ້ວ ຫົວໜ້າການທະຫານ
ກອງພັນ
ໃຫຍ່ 102, ມີຄະນະພັກ-ຄະນະບັນຊາ, ພະແນກການ, ຂະແໜງການທີ່ກ່ຽວຂ້ອງ, ພະນັກງານຫຼັກແຫຼ່ງ ແລະ ນັກເຝິກອົບຮົມເຂົ້າຮ່ວມ.
ສະຫາຍ ພັນໂທ ຮີໂລ ພິມມະສອນ ຫົວໜ້າການທະຫານກອງພັນ 701 ໄດ້ສະຫຼຸບການອົບຮົມ-ຫັດແອບຊ້ອມຮົບ ຕະຫຼອດໄລຍະຜ່ານມາ ໂດຍໄດ້ ຈັດຕັ້ງຫັດແອບຢ່າງເຕັມລະບົບ, ເຊິ່ງການຫັດແອບໄດ້ແບ່ງອອກເປັນ 2 ພາກສ່ວນຄື: ການຫັດແອບຊ້ອມຮົບເທິງແຜນຮ່າງ ແລະ ການຫັດແອບຊ້ອມຮົບ ພາກສະໜາມຕົວຈິງ, ການຫັດແອບຢູ່ພາກສະໜາມໄດ້ປະຕິບັດຄືກັນກັບການອອກສູ້ຮົບຢູ່ສະໜາມຕົວຈິງ ເຊິ່ງໄດ້ຫັດແອບລົງເລິກໃສ່ລຳດັບການບັນຊາ ຂອງຂັ້ນໝວດ, ກອງຮ້ອຍ ແລະ ກອງພັນ ແລະ ໄດ້ຈັດຕັ້ງໃຫ້ແຕ່ລະຂັ້ນປະຕິບັດຂັ້ນຕອນຄາດກະແຜນການສູ້ຮົບ, ສືບສະໜາມ, ວາງແຜນການຕັດສິນ ໃຈ ແລະ ແຕ້ມແຜນຮ່າງສູ້ຮົບເທິງແຜນທີ່ ເຊິ່ງເຫັນໄດ້ແຕ່ລະພາກສ່ວນສາມາດກຳແໜ້ນໄດ້ແຕ່ລະບາດກ້າວຂອງວຽກງານເສນາທິການ, ສາມາດກຳ ແໜ້ນພູມີປະເທດ ແລະ ຮູ້ໝູນໃຊ້ພາຫະນະສູ້ຮົບ ຈັດວາງແທດເໝາະກັບສະໜາມຕົວຈິງ. ຜ່ານການຊ້ອມຮົບປະສານສຽງແຕກ ຍຸດທະວິທີບຸກຕີສັດຕູຈັ້ງ ທ່າຂັ້ນໝວດ ເຫັນໄດ້ວ່ານັກເຝິກຊ້ອມທຸກພາກສ່ວນສາມາດກຳໄດ້ທຸກບາດກ້າວໃນການເຄື່ອນທັບຕົວຈິງ, ສາມາດຮັບປະກັນປິດລັບໃນການປະສານສູ້ ຮົບໄດ້ດີ, ດັບສູນເປົ້າໝາຍໄດ້ຕາມຄາດໝາຍ ແລະ ສາມາດຮັບປະກັນຄວາມປອດໄພໄດ້ 100%.
ໂອກາດນີ້ ສະຫາຍ ປະທານ ໄດ້ກ່າວສະແດງຄວາມຍ້ອງຍໍຊົມເຊີຍຕໍ່ຜົນສຳເລັດໃນການຫັດແອບຊ້ອມຮົບ. ພ້ອມນັ້ນ, ຍັງໄດ້ຮຽກຮ້ອງໃຫ້ນັກເຝິກ ຊ້ອມ ຈົ່ງພ້ອມກັນນຳເອົາບົດຮຽນໃນການອົບຮົມ-ຫັດແອບໃນຄັ້ງນີ້ ນຳໄປຈັດຕັ້ງຜັນຂະຫຍາຍເຂົ້າໃນວຽກງານຕົວຈິງໃຫ້ດີຂຶ້ນເປັນກ້າວໆ, ພ້ອມກັນແກ້ ໄຂສິ່ງທີ່ບົກຜ່ອງ, ກຳແໜ້ນບັນດາບາດກ້າວໃນການບັນຊາຕາມວິຊາສະເພາະເຫຼົ່າຮົບເຝິກຝົນໃຫ້ມີຄວາມກ້າແກ່ນ, ພ້ອມກັນພັດທະນາກົມກອງໄປຕາມ ຍຸກສະໄໝ ແລະ ຮັກສາໄດ້ນາມມະຍົດຂອງກົມກອງໃຫ້ສົມກັບເປັນກຳລັງເຄື່ອນທີ່ໄວຂອງກອງພັນໃຫຍ່ 102 ຢ່າງອົງອາດກ້າຫານ.
ແຫຼ່ງທີ່ມາ: ສົມບູນ ບົວນ້ອຍສອນ
ວັນທີ 15/12/2022