ສ ເກົາຫຼີ ຕົກລົງ ຂາຍເຮືອບິນສູ້ຮົບ F-50 ໃຫ້ແກ່ກອງທັບໂປໂລຍ
ສຳນັກຂ່າວ ເຈນ ລາຍງານໃນວັນທີ 28 ກັນຍານີ້ວ່າ: ພາຍຫຼັງທີ່ກະຊວງປ້ອງກັນປະເທດ ໂປໂລຍ ປຶກສາຫາລືຮ່ວມກັບກະຊວງປ້ອງກັນປະເທດ ສ
ເກົາຫຼີ ກ່ຽວກັບລາຍລະອຽດທີ່ຈະສັ່ງຊື້ເຮືອບິນສູ້ຮົບ F-50, ກອງທັບໂປໂລຍ ໄດ້ເຫັນດີສັ່ງຊື້ ແລະ ສ ເກົາຫຼີ ກໍເຫັນດີທີ່ຈະຂາຍເຮືອບິນດັ່ງກ່າວ
ພ້ອມ
ທັງຈະເປີດຊຸດອົບຮົບກ່ຽວກັບເຕັກນິກ ແລະ ການໃຊ້ງານໃຫ້ແກ່ເຈົ້າໜ້າທີ່ວິຊາສະເພາະຂອງໂປໂລຍ ແຕ່ບໍ່ທັນລະບຸຈຳນວນ ແລະ ມູນຄ່າ,
ເພາະຍັງຢູ່ຂັ້ນ
ຕອນຂອງການເຮັດຂໍ້ຕົກລົງ.
ສຳລັບເຮືອບິນສູ້ຮົບລຸ້ນ F-50 ນີ້ ຖືກຜະລິດຂຶ້ນເມື່ອປີ 2001 ໂດຍບໍລິສັດສັນຊາດ ສ ເກົາຫຼີ ເຊິ່ງປະກອບມີຫຼາຍລຸ້ນ ແຕ່ລະລຸ້ນແມ່ນຂຶ້ນກັບປະ ເທດນັ້ນຈະເປັນຜູ້ອອກແບບໃຫ້ເປັນເອກະລັກສະເພາະ, ຕາມມາດຕະຖານແລ້ວເຮືອບິນສູ້ຮົບລຸ້ນນີ້ຈະມີນ້ຳໜັກປະມານ 6,5 ໂຕນ, ມີລວງກວ້າງລວມ ທັງປີກສອງດ້ານ 9,45 ແມັດ, ລວງຍາວ 13,14 ແມັດ, ລວງສູງ 4,94 ແມັດ, ບັນທຸກພົນຂັບໄດ້ 2 ຄົນ, ສາມາດບິນໃນຄວາມໄວສູງສຸດປະມານ 1.837 ກິໂລແມັດຕໍ່ຊົ່ວໂມງ ແລະ ບິນໃນເພດານບິນສູງສຸດ 14 ກິໂລແມັດ. ສ່ວນອາວຸດປະກອບມີລູກສອນໄຟຕໍ່ຕ້ານເຮືອສູ້ຮົບແບບອາກາດສູ່ພຶ້ນ, ລະເບີດແບບເອັມເຄ 82 ຈຳນວນ 12 ລູກ. ນອກຈາກນີ້, ຍັງສາມາດຕິດຕ້ັງລູກສອນໄຟແບບຕໍ່ຕ້ານລົດຕັງໄດ້ອີກດ້ວຍ.
ແຫຼ່ງທີ່ມາ: ໜັງສືພິມກອງທັບ
ວັນທີ 03/10/2022