ຍີ່ປຸ່ນ ສືບຕໍ່ຖືຫຸ້ນ ໃນໂຄງການພະລັງງານຂອງຣັດເຊຍ
ສຳນັກຂ່າວຊິນຮວາໃຫ້ຮູ້ວ່າ: ໃນວັນທີ 1 ກັນຍານີ້, ບໍລິສັດ Mitsui & Co ຂອງຍີ່ປຸ່ນ ໄດ້ຢືນຢັນວ່າ, ຣັດເຊຍ ຕົກລົງໃຫ້ບໍລິສັດນີ້ຖືຫຸ້ນ 12,5% ໃນຜ ູ້ ປະກອບການໃໝ່ຂອງໂຄງການນ້ຳມັນ ແລະ ແກ໊ດ "Sakhalin 2". ລັດຖະບານຍີ່ປຸ່ນໃຫ້ຮູ້ວ່າ, ການສືບຕໍ່ເຂົ້າຮ່ວມຂອງວິສາຫະກິດຍີ່ປຸ່ນໃນໂຄງການນີ້ ແມ່ນມີຜົນດີຕໍ່ການຮັບປະກັນຄວາມໝັ້ນຄົງຂອງການສະໜອງພະລັງງານພາຍໃນປະເທດ. ເຖິງແມ່ນວ່າບັນດາປະເທດຕາເວັນຕົກທີ່ໄດ້ຫຼຸດຜ່ອນຫຼືຫ້າມບໍ່ ໃຫ້ນຳເຂົ້າພະລັງງານຂອງຣັດເຊຍ, ແຕ່ຍີ່ປຸ່ນມີທ່າອຽງທີ່ຈະສືບຕໍ່ຮັກສາການຮ່ວມມືດ້ານພະລັງງານລະຫວ່າງຍີ່ປຸ່ນ-ຣັດເຊຍ. ທ່ານ ຟູມິໂອ ກິຊິດະ ນາຍົກ ລັດຖະມົນຕີຍີ່ປຸ່ນ ກ່າວວ່າ, ທ່ານຈະບໍ່ຖອນຕົວອອກຈາກໂຄງ ການ "Sakhalin 2" ເພາະວ່າມັນເປັນສິ່ງສຳຄັນທີ່ຈະຮັບປະກັນຄວາມໝັ້ນຄົງດ້ານພະລັງ ງານຂອງຍີ່ປຸ່ນ. ປັດຈຸບັນ, ຜົນກະທົບຕໍ່ຕ້ານການລົງໂທດຂອງປະເທດຕາເວັນຕົກຕໍ່ຣັດເຊຍນັບມື້ນັບພົ້ນເດັ່ນຂຶ້ນ, ລາຄາພະລັງງານ ແລະ ສິນຄ້າຂອງຫຼາຍ ປະເທດໄດ້ເພີ່ມຂຶ້ນ, ຄ່າໃຊ້ຈ່າຍຂອງປະຊາຊົນກໍເພີ່ມຂຶ້ນໄປຕາມໆກັນ. ໃນຖານະເປັນຜູ້ຖືຫຸ້ນຕົ້ນສະບັບຂອງໂຄງການນໍ້າມັນ ແລະ ແກັສ "Sakhalin 2", ບໍ ລິສັດ Mitsui & Co ໄດ້ຍື່ນຄຳຮ້ອງຂໍຕໍ່ລັດຖະບານຣັດເຊຍເພື່ອສືບຕໍ່ການລົງທຶນໃນວັນທີ 25 ສິງ ຫາຜ່ານມານີ້ ແລະ ໄດ້ຮັບການຕອບຮັບໃນທາງ ບວກຈາກຝ່າຍຣັດເຊຍ, ໂດຍຍັງຮັກສາຫຸ້ນຂອງບໍລິ ສັດໃນຜູ້ປະກອບການໃໝ່ຄົງທີ່ຄືເກົ່າ. ໂຄງການ "Sakhalin 2" ແມ່ນຕັ້ງຢູ່ເກາະ Sakhalin ໃນ ພາກຕາເວັນອອກຂອງຣັດເຊຍ, ປະກອບດ້ວຍການສະຫງວນນ້ຳມັນປະມານ 100 ລ້ານໂຕນ ແລະ ແຫຼ່ງສະຫງວນອາຍແກັສທຳມະຊາດຫຼາຍກວ່າ400ຕື້ ແມັດກ້ອນ. ຍີ່ປຸ່ນເປັນປະເທດທີ່ນຳເຂົ້າພະລັງ ງານຈາກຣັດເຊຍປະມານ 9% ແລະ ໃນນັ້ນເກືອບທັງໝົດແມ່ນມາຈາກໂຄງການ Sakhalin 2.