ຍີ່ປຸ່ນວາງແຜນເສີມຄວາມເຂັ້ມແຂງ ໃຫ້ແກ່ກອງທັບ
ສຳນັກຂ່າວຊິນຮວາແຈ້ງໃຫ້ຮູ້ໃນວັນທີ 15 ກຸມພານີ້ວ່າ: ທ່ານ ຢາຊູອິຊິ ຮາມາດາ ລັດຖະມົນຕີກະຊວງປ້ອງກັນປະເທດຍີ່ປຸ່ນ ໄດ້ຢືນຢັນວ່າລັດຖະບານ ມີແຜນຈະລົງນາມໃນສັນຍາຊື້ລູກສອນໄຟນຳວິຖີ ໂຕມາຮອກ "Tomahawk" ກັບອາເມຣິກາໃຫ້ສຳເລັດພາຍໃນປີ 2023. ຕາມຂ່າວສານກຽວໂດໃຫ້ ຮູ້ວ່າ: ໃນເບື້ອງຕົ້ນ, ລັດຖະບານຍີ່ປຸ່ນມີແຜນຈະຈັດຊື້ລູກສອນໄຟ «Tomahawks”ຫຼາຍຊຸດໃນອີກບໍ່ດົນ, ແຕ່ບໍ່ໄດ້ລະບຸຈຳນວນທີ່ແນ່ນອນ. ລູກສອນ ໄຟນຳວິຖີ "Tomahawk" ເປັນອາວຸດຍຸດໂທປະກອນໂຈມຕີຈາກໃຕ້ນໍ້າທີ່ໄດ້ຮັບການພັດທະນາໂດຍສະຫະລັດອາເມຣິກາ, ເປັນລູກສອນໄຟທີ່ສາມາດຍິງ ຂຶ້ນໄດ້ໃນລະດັບຄວາມສູງຕ່ຳ ແລະ ມີໄລຍະຍິງໄກຫຼາຍກວ່າ 1.000 ກິໂລແມັດ. "Tomahawk" ໄດ້ຖືກນຳໃຊ້ໂດຍສະຫະລັດໃນສົງຄາມພາກພື້ນຫຼາຍ ຄັ້ງເຊັ່ນ: ສົງຄາມອີຣັກປີ 2003.
ແຫຼ່ງທີ່ມາ: ໜັງສືພິມກອງທັບ
ວັນທີ 22/02/2023