ກອງທັບອາກາດສະຫະລັດ ທົດລອງຍິງອາວຸດປ່ອຍນຳວິຖີກັບ F-15EX
ຕາມການລາຍງານຈາກເວັບໄຊທ໌ ການທະຫານອາຊຽນເປີດເຜີຍໃຫ້ຮູ້ວ່າ: ເຄື່ຶອງບິນຂັບໄລ່ Boeing F-15EX Eagle II ລຸ້ນໃໝ່ຂອງກອງທັບອາກາດ ສະຫະລັດອາເມຣິກາໄດ້ມີການທົດລອງຍິງອາວຸດປ່ອຍນຳວິຖີສຳເລັດເປັນຄັ້ງທຳອິດຈາກສະຖານີອາວຸດຊະນິດໃໝ່ ຂອງສະຫະລັດ ເຊິ່ງເປັນສ່ວນໜຶ່ງຂອງ ການຍົກສູງຄຸນນະພາບເຄື່ອງບິນຂັບໄລ່. ການທົດສອບຄັ້ງນີ້ F-15EX ໄດ້ຍິງອາວຸດປ່ອຍນຳວິຖີອາກາດສູ່ອາກາດໄລຍະກາງເຖິງໄລຍະໄກດ້ວຍອາວຸດ ຊະນິດ AIM-120 AM-9X ທັງນີ້ F-15EX ຍັງສາມາດບັນທຸກອາວຸດປ່ອຍນຳວິຖີໄດ້ເຖິງ 12 ລູກ ເຊິ່ງຫຼາຍກວ່າເຄື່ອງບິນ F-15C ເຖິງ 4 ລູກ. F- 15EX ເປັນເຄື່ອງບິນຍຸກໃໝ່ທີ່ຜະລິດຂຶ້ນເພື່ອທົດແທນ F-15C ເຊິ່ງເຄື່ອງບິນທັງສອງຊະນິດນີ້ສາມາດບັນທຸກ ແລະ ມີນ້ຳໜັກໂຕເທົ່າກັນ ໂດຍກອງທັບ ອາກາດສະຫະລັດໄດ້ພັດທະນາພວກມັນເພື່ອໃຫ້ເປັນເຄື່ອງບິນຂັບໄລ່ທີ່ດີທີ່ສຸດໃນອະນາຄົດ. ທາງດ້ານວິສະວະກອນຂອງບໍລິສັດໂບອິ້ງໄດ້ສ້າງເຄື່ອງບິນ ດ້ວຍລະບົບດິຈິຕັອນຂຶ້ນມາຫຼາຍຮ້ອຍລຳ ແລະ ໄດ້ທົດລອງບິນຫຼາຍພັນຊົ່ວໂມງກ່ອນທີ່ຈະບິນທົດສອບຄັ້ງທຳອິດ ເພື່ອໃຫ້ມັນສາມາດບັນທຸກອາວຸດທີ່ ມີຄວາມໄວເໜືອສຽງ ເຮັດໃຫ້ພວກມັນເປັນສ່ວນປະກອບສຳຄັນໃນກອງບິນຂັບໄລ່ທາງຍຸດທະວິທີຂອງກອງທັບອາກາດສະຫະລັດ. F-15EX ໄດ້ຮັບ ການພັດທະນາຂຶ້ນຄັ້ງທຳອິດໃນປີ 2018 ດ້ວຍງົບປະມານ 1,2 ຕື້ໂດລາສະຫະລັດ ຈາກນັ້ນມັນໄດ້ຂຶ້ນບິນໂຕຈິງໃນເດືອນກຸມພາ 2021 ແລະ ທົດສອບ ຍິງອາວຸດຄັ້ງທຳອິດໃນປີ 2022. ປັດຈຸບັນເຄື່ອງບິນເຫລົ່ານີ້ໄດ້ຖືກຍົກລະດັບດ້ານເອເລັກໂຕຼນິກ, ຣາດາ ແລະ ການຄວບຄຸມການບິນ ນອກນັ້ນຍັງມີຖ່ານ ເພື່ອຮອງຮັບການຕິດຕັ້ງອາວຸດໄດ້ຫຼາຍຊະນິດຂຶ້ນ.
ແຫຼ່ງທີ່ມາ: ໜັງສືພິມກອງທັບ
ວັນທີ 28/02/2023