ອິນເດຍ ແລະ ຣັດເຊຍ ບັນລຸຂໍ້ຕົກລົງໃນການສັ່ງຊື້ລະບົບປ້ອງກັນໄພທາງອາກາດ
ເວັບໄຊ້ທາດ ລາຍງານວ່າ: ຣັດເຊຍ ກຳລັງເຈລະຈາກັບ ອິນເດຍ ເພື່ອສົ່ງມອບລະບົບປ້ອງກັນໄພທາງອາກາດ S-400 ເພີ່ມ ຫຼັງຈາກ
ສັນຍາຊຸດທຳອິດເປັນໄປຕາມສັນຍາ ໂດຍໄດ້ສົ່ງມອບແລ້ວ 3 ລະບົບ ແລະ ອີກ 2 ລະບົບ ກຳລັງກຽມເຂົ້າປະຈຳການພາຍໃນປີນີ້.
ສິ່ງທີ່ເຮັດໃຫ້ S-400 ເປັນທີ່ຖືກຈັບຕາຫຼາຍຂຶ້ນ ຄືກະແສລາຍງານວ່າ ລະບົບນີ້ໄດ້ສະແດງປະສິດທິພາບໄດ້ດີ ໃນຊ່ວງຄວາມເຄັ່ງຕືງ
ລະຫວ່າງ ອິນເດຍ ກັບ ປາກິດສະຖານ ໃນເດືອນ ພຶດສະພາ 2025 ທີ່ຜ່ານມາ ຈົນເຮັດໃຫ້ກອງທັບອິນເດຍ ມີຄວາມໝັ້ນໃຈຫຼາຍຂຶ້ນ
ໃນການເສີມສ້າງເຄືອຂ່າຍປ້ອງກັນໄພທາງອາກາດຂອງຕົນເອງ. ເຖິງວ່າ ສະຫະລັດ ຈະພະຍາຍາມກົດດັນຜ່ານມາດຕະການຄວ່ຳບາດ ທາງ
ການທູດແຕ່ ອິນເດຍ ຍັງເດີນໜ້າຄວາມຮ່ວມມືກັບ ຣັດເຊຍ ຕໍ່ໄປເພາະ ອິນເດຍ ເຫັນວ່າຄວາມມັ່ນຄົງແຫ່ງຊາດ ສຳຄັນກວ່າການເດີນຕາມ
ເກມຂອງມະຫາອຳນາດຝ່າຍໃດຝ່າຍໜຶ່ງ.
ອີກດ້ານໜຶ່ງ, ອິນເດຍ ຍັງຊຸກຍູ້ແນວຄວາມຄິດ ທີ່ໃຊ້ກັບຜະລິດຕະພັນ ແລະ ອາວຸດຍຸດໂທປະກອນທາງດ້ານ ການທະຫານ ເພື່ອສົ່ງ
ເສີມພາຍໃນປະເທດເອງ ຢ່າງຈິງຈັງ ໂດຍອຸດສາຫະກຳອາວຸດຈຳນວນຫຼາຍ ຍັງອີງໃສ່ເຕັກໂນໂລຊີຈາກ ຣັດເຊຍ ດັ່ງນັ້ນ ນີ້ຈຶ່ງບໍ່ແມ່ນພຽງ
ແຕ່ເລື່ອງການຊື້ອາວຸດ ແຕ່ເປັນການວາງແຜນຍຸດທະສາດ ໄລຍະຍາວ ຂອງປະເທດທີ່ຕ້ອງການພຶ່ງພາຕົນເອງໃຫ້ຫຼາຍຂຶ້ນ ໃນໂລກທີ່ກຳລັງ
ແບ່ງຂົ້ວມະຫາອຳນາດຮຸນແຮງຂຶ້ນເລື້ອຍໆ.
ແຫຼ່ງທີ່ມາ: ຂກທ
ວັນທີ 15/06/2026