ອານມານີ ເປີດຕົວລະບົບປ້ອງກັນໄຟທາງອາກາດ Majid ລຸ້ນຍົກລະດັບ
ຕາມຂ່າວການທະຫານຕ່າງປະເທດລາຍງານວ່າ ອານມານີ ໄດ້ເປີດເຜີຍລະບົບປ້ອງກັນທາງອາກາດໄລຍະສັ້ນ Majid (AD-08)
ລຸ້ນຍົກລະດັບທີ່ຜະລິດໂດຍ ອີຣ່ານ, ໂດຍລັກສະນະທີ່ໂດດເດັ່ນຂອງລຸ້ນໃໝ່ນີ້ແມ່ນການປະສົມປະສານຂອງລະບົບຄວບຄຸມການຍິງ
ດ້ວຍແສງມາດຕະຖານກັບ radar ທີ່ຕິດຕັ້ງ, ການຕັ້ງຄ່ານີ້ຂະຫຍາຍຄວາມສາມາດໃນການກວດຈັບແລະຕິດຕາມເປົ້າໝາຍ, ພ້ອມ
ທັງປັບປຸງປະສິດທິພາບການຕໍ່ສູ້ໃນສະພາບອາກາດທີ່ບໍ່ປົກກະຕິ.
ອີງຕາມ Patarames ລາຍງານວ່າ, ການຕັ້ງຄ່ານີ້ບໍ່ເຄີຍເຫັນຢູ່ນອກ ອີຣານ ເຊິ່ງກ່ອນໜ້ານີ້, Majid ທີ່ ອີຣານ ປະກາດໃນເດືອນ
ເມສາ 2021 ສ່ວນໃຫຍ່ແມ່ນອີງໃສ່ການກວດຈັບເປົ້າໝາຍແບບ passive ແລະ ການນຳໃຊ້ລູກສອນໄຟນຳທາງອິນຟາເຣດ, ການເພີ່ມ
radar ເຊື່ອກັນວ່າ,ຈະຊ່ວຍເພີ່ມຄວາມສາມາດໃນການກວດຈັບເປົ້າໝາຍທີ່ຕິດຕາມໄດ້ຍາກ, ລະບົບປ້ອງກັນໄຟທາງອາກາດລຸ້ນ Majid
ຖືກນຳໃຊ້ຄຽງຄູ່ກັບລະບົບອາວຸດ S-300PS, Tor-M2KM ແລະ Akash ທີ່ປະກອບສ່ວນເຂົ້າໃນຄວາມສາມາດໃນການປ້ອງກັນ
ຫຼາຍຊັ້ນຕໍ່ກັບໄພຂົ່ມຂູ່ທີ່ທັນສະໄໝ, ດ້ວຍການຕໍ່ສູ້ໂດຍໃຊ້ເຊັນເຊີ electro-optical ເພື່ອຕິດຕາມ ແລະ ທຳລາຍເປົ້າໝາຍແທນທີ່ໃຊ້
radar ຢ່າງຕໍ່ເນື່ອງ, ເຊີ່ງວິທີການນີ້ຊ່ວຍຫຼຸດຜ່ອນຄວາມສ່ຽງຂອງການກວດພົບຂອງສັດຕູ.
ນອກນີ້ຍັງຮັບປະກັນປະສິດທິພາບໃນການຕໍ່ສູ້ເປົ້າໝາຍທີ່ບີນຕ່ຳດ້ວຍອາວຸດປະກອບການມີ: ລູກສອນໄຟ AD-08 ມີຄວາມຍາວ
2.67 ແມັດ, ເສັ້ນຜ່າສູນກາງ 156 ມມ ແລະ ໜັກ 75 ກິໂລກຣາມ, ບັນຈຸຫົວຮົບ 14 ກິໂລກຣາມ. ລະບົບດັ່ງກ່າວສາມາດທຳລາຍເປົ້າ
ໝາຍໄດ້ໃນໄລຍະ 0,7 ກິໂລແມັດ ຫາ 8 ກິໂລແມັດ ແລະ ລະດັບຄວາມສູງຕັ້ງແຕ່ 0.2 ຫາ 5 ກິໂລແມັດ. ລະບົບຍິງລູກສອນໄຟລຸ້ນ
ກ່ອນໆມີລູກສອນໄຟສອງລູກ, ໃນຂະນະທີ່ລຸ້ນຕໍ່ມາມີເລົາຍິງ4ເລົາ,ເພີ່ມຈຳນວນລູກສອນໄຟພ້ອມສຳລັບການສູ້ຮົບເປັນສອງເທົ່າ.
ແຫຼ່ງທີ່ມາ: ຂກທ
ວັນທີ 23/06/2026