ກອງທັບອາກາດມຽນມາ ໄດ້ຮັບ ເຮືອບິນເຝິກແອບທາງການທະຫານ
ສຳນັກຂ່າວເຈນ ລາຍງານໃນວັນທີ 11 ທັນວານີ້ວ່າ: ກອງທັບອາກາດມຽນມາ (MAF) ໄດ້ຮັບເຮືອບິນເຝິກແອບທາງການທະຫານລຸ້ນ FTC-
2000G ແບບພິເສດຈາກກອງທັບປົດປ່ອຍປະຊາຊົນຈີນ
ເຊິ່ງເປັນການຍົກລະດັບແສນຍານນຸພາບທາງການທະຫານໃນການປ້ອງກັນນ່ານຟ້າຂອງຕົນ
ໃຫ້ມີຄວາມເຂັ້ມແຂງ. ຕາມຂໍ້ມູນໃນເບື້ອງຕົ້ນຈາກວາລະສານຂ່າວອອນໄລນ໌ The Irrawaddy ໃຫ້ຮູ້ວ່າ: ເຮືອບິນລຸ້ນ FTC-2000G ຈຳນວນ 4
ລຳໄດ້ຖືກຈັດສົ່ງໃນເດືອນພະຈິກທີ່ຜ່ານມາ ແລະ ໃນວັນທີ 5 ທັນວາທີ່ຜ່ານມານີ້ເຮືອບິນລຸ້ນດັ່ງກ່າວຈຳນວນອີກ 6
ລຳໄດ້ຖືກຈັດສົ່ງໃຫ້ກອງທັບມຽນ
ມາອີກ ລວມທັງໝົດ 10 ລຳ. ສຳລັບເຮືອນບິນເຝິກແອບທາງການທະຫານລຸ້ນນີ້ຖືກອອກແບບ ແລະ ຜະລິດຂຶ້ນເມື່ອປີ 2003 ໂດຍບໍລິສັດສັນຊາດຈີນ
ເຊິ່ງພັດທະນາມາຈາກເຮືອບິນຕົ້ນສະບັບລຸ້ນ ຈາງຈູ ເຈເຈ-7 ,ໂດຍມີນັກບິນໄດ້ 2 ຄົນ, ມີລວງຍາວ 14,55 ແມັດ, ລວງສູງ 4,51 ແມັດ,
ລວງກວ້າງ
ນັບແຕ່ປີກ 8,32 ແມັດ ແລະ ມີນ້ຳໜັກລວມ 7,8 ໂຕນ, ບິນໃນຄວາມໄວສູງສຸດ 1.100 ກິໂລແມັດຕໍ່ຊົ່ວໂມງ, ສ່ວນດ້ານອາວຸດປະກອບດ້ວຍປືນກົນ
ຂະໜາດ 23 ມມ 11 ກະບອກ, ສາມາດຕິດຕັ້ງອາວຸດໜັກ ໄດ້ຈຳນວນ 5 ຊຸດ (ຖ້າຕ້ອງການ).
ແຫຼ່ງທີ່ມາ: ໜັງສືພິມກອງທັບ
ວັນທີ 15/12/2022