ສະຫະລັດ ໃຊ້ລູກສອນໄຟຍິງບອນລູນລອຍຟ້າຂອງຈີນຕົກ
ຕາມການເປີດເຜີຍຂອງສຳ ຂ່າວຕ່າງປະເທດໃນວັນທີ 6 ກຸມ ພາໃຫ້ຮູ້ວ່າ: ກອງທັບສະຫະລັດ ອາເມຣິກາໄດ້ໃຊ້ເຮືອບິນຮົບ F-22 ທີ່ຕິດຕັ້ງລູກສອນ
ໄຟ AIM-9X ບິນຂຶ້ນຈາກຖານທັບ ອາກາດ ແລັງລີໃນລັດເວີຈິເນຍ ແລະ ໄດ້ຍິງລູກບອນລູນຂອງຈີນຕົກຢູ່ນອກເຂດນ່ານນໍ້າມາໂທທາງພາກໃຕ້ຂອງ
ລັດຄາໂຣໄລນາ. ໂດຍທາງດ້ານສະຫະລັດ ອ້າງວ່າລູກບອນລູນດັ່ງກ່າວເປັນຂອງຈີນ ໄດ້ບິນລະເມີດເຂດນ່ານຟ້າຂອງສະຫະລັດ ເພື່ອການສອດແນມຢູ່ຈຸດ
ທີ່ຕັ້ງ ຍຸດທະສາດຂອງຕົນ ເຊິ່ງຄາດວ່າຟື້ນທີ່ດັ່ງກ່າວແມ່ນເຂດເກັບມ້ຽນອາວຸດນິວເຄລຍຂອງສະຫະລັດ. ດ້ານທຳນຽບຫ້າແຈຂອງສະຫະລັດໄດ້ຢືນຢັນ
ວ່າ: ສະຫະລັດໄດ້ໃຊ້ຍົນສູ້ຮົບ F-22 ທີ່ຕິດລູກສອນໄຟອາກາດສູ່ອາກາດແບບ AIM-120 AMRAAM, AIM-9X ຍິງລູກບອນລູນລອຍຟ້າຂອງຈີນ.
ລູກສອນໄຟ AIM-9X ແມ່ນໜຶ່ງໃນລູກສອນໄຟທາງອາກາດທີ່ທັນສະໄໝທີ່ສຸດໃນກອງທັບອາກາດສະຫະລັດ ແລະ ເປັນລູກສອນໄຟນຳເປົ້າໝາຍດ້ວຍ
ຄວາມຮ້ອນແບບອິນຟາເຣດ ທີ່ຂັບເຄື່ອນດ້ວຍລະບົບອາຍພົ່ນລູກສອນໄຟດັ່ງກ່າວມີໄລຍະຍິງແຕ່ 1-35 ກິໂລແມັດ ແລະ ມີປະຈຳການໃນກອງທັບອາ
ກາດຂອງປະເທດສະມາຊິກຂອງ NATO. ເມື່ອລູກສອນໄຟ AIM-9X ຖືກຕິດຕັ້ງໃສ່ກັບເຮືອບິນຮົບ F-22 ຈະເຮັດໃຫ້ລູກສອນໄຟ ສາມາດຍິງໄດ້ໄລຍະ
ໄກເພີ່ມຂຶ້ນອີກ. ດ້ານໂຄສົກກະຊວງການຕ່າງປະເທດຈີນ ໄດ້ກ່າວຕອບໂຕ້ວ່າ: ສະຫະລັດເຮັດເກີນກວ່າເຫດຍິງບອນລູນຂອງພົນລະເຮືອນຕົກ.
ແຫຼ່ງທີ່ມາ: ໜັງສືພິມກອງທັບ
ວັນທີ 14/02/2023