ບໍລິສັດ HDT Robotics ໄດ້ສົ່ງມອບພາຫະນະ
ພາກພື້ນບໍ່ມີຄົນຂັບ Hunter WOLF ໃຫ້ແກ່ ກອງທັບບົກສະຫະລັດ
ຂ່າວປ້ອງກັນຊາດເອີຣົບ ກ່າວວ່າ: ລົດ Hunter WOLF ແມ່ນຍານພາຫະນະຫຸ່ນຍົນອະເນກປະສົງ ທີ່ຖືກອອກແບບເພື່ອຫຼຸດ
ຜ່ອນພາລະຂອງທະຫານ ແລະ ເພີ່ມໄລຍະເວລາໃນການປະຕິບັດພາລະກິດ ໂດຍສາມາດນຳໃຊ້ເປັນພາຫະນະຂົນສົ່ງສະບຽງລະບົບສື່
ສານ, ອົບພະຍົບຜູ້ບາດເຈັບພາລະກິດຂ່າວກອງ, ສອດແນມ ແລະ ລາດຕະເວນ (ISR) ໃນຂັ້ນຕອນເບື້ອງຕົ້ນຈະໄດ້ເຝິກການໃຊ້
ງານ, ການບຳລຸງຮັກສາ ແລະ ການປັບແຕ່ງໂມດູນບັນທຸກຫຼາຍຮູບແບບ ພ້ອມທັງສາທິດຄວາມສາມາດຂັບເຄື່ອນແບບອັດຕະໂນ
ມັດ ແລະ ການເຄື່ອນຍ້າຍຜູ້ບາດເຈັບໃນສະໜາມຮົບ.
ບໍລິສັດລາຍງານວ່າ: ລົດ Hunter WOLF ໃຊ້ຊິ້ນສ່ວນທີ່ຫາຊື້ໄດ້ທົ່ວໄປ ເພື່ອໃຫ້ສະດວກຕໍ່ການບຳລຸງຮັກສາໃນພາກສະໜາມ
ແລະ ເພີ່ມຄວາມພ້ອມໃນການປະຕິບັດໜ້າທີ່ ພ້ອມທັງຊ່ວຍຫຼຸດຄວາມສ່ຽງ ຂອງກຳລັງພົນ ແລະ ອະນຸຍາດໃຫ້ທະຫານປະຕິບັດໜ້າທີ່
ໃນໄລຍະທີ່ປອດໄພຈາກໄພຄຸກຄາມ ທ່ານ ທັອມ ເວັນ ໂດເຣັນ ປະທານຝ່າຍຫຸ່ນຍົນຂອງ HDT Robotics ກ່າວວ່າ ບໍລິສັດມຸ່ງໝັ້ນ
ການພັດທະນາຂີດຄວາມສາມາດທີ່ຊ່ວຍໃຫ້ທະຫານປະ ຕິບັດພາລະກິດໄດ້ດີຂຶ້ນ, ພ້ອມຫຼຸດຄວາມສ່ຽງທີ່ພວກເຂົາຕ້ອງປະເຊີນໜ້າໃນ
ສະໜາມຮົບຕົວຈິງ. ການທົດລອງ ໄດ້ຜ່ານການກວດສອບຢ່າງເຂັ້ມງວດ ແລະ ພ້ອມທີ່ຈະປະຕິບັດພາລະກິດໃນສະໜາມຮົບຕົວຈິງ.
ແຫຼ່ງທີ່ມາ: ຂກທ
ວັນທີ 18/08/2026