Kaman 22 ເຮືອບິນແບບບໍ່ມີຄົນຂັບລຸ້ນຫຼ້າສຸດ ທີ່ ອີຣານ ນຳເຂົ້າປະຈຳການ
ກອງທັບອິດສະລາມ ອີຣານ ເປັນອີກໜຶ່ງກອງທັບທີ່ມີແສນຍານນຸພາບທາງການທະຫານເປັນອັນດັບຕົ້ນໆຂອງໂລກ,
ໂດຍສະເພາະແມ່ນກອງທັບ
ອາກາດ ອີຣານ ທີ່ຍາມໃດກໍໄດ້ພັດທະນາເຮືອບິນສູ້ຮົບໃນຮູບແບບທີ່ມີຄົນຂັບ ແລະ ບໍ່ມີຄົນຂັບ, ເຊິ່ງໃນປັດຈຸບັນນີ້ມີເຮືອບິນແບບບໍ່ມີຄົນຂັບທີ່ປະ
ຈຳການໃນກອງທັບແລ້ວ ປະມານ 33 ລຸ້ນໜຶ່ງ ໃນນັ້ນກໍຄື Kaman 22 ເຊິ່ງເປັນເຮືອບິນແບບບໍ່ມີຄົນຂັບລຸ້ນຫຼ້າສຸດທີ່ ອີຣານ ນຳເຂົ້າປະຈຳການ ແລະ
ໄດ້ມີການທົດລອງປະສິດທິພາບດ້ານອາວຸດ ແລະ ຂີດຄວາມສາມາດຕ່າງໆແລ້ວຫຼາຍຄັ້ງ.
ສຳລັບເຮືອບິນແບບບໍ່ມີຄົນຂັບລຸ້ນ Kaman 22 ນີ້, ຖືກອອກແບບເມື່ອ 2017 ແລະ ສຳ ເລັດການຜະລິດ, ພ້ອມດ້ວຍການທົດລອງການບິນໃນປີ 2021, ຫຼັງຈາກນັ້ນກໍຖືກນຳເຂົ້າປະຈຳການໃນກອງທັບໂດຣນໃນປີ 2022. ເຮືອບິນດັ່ງກ່າວມີນ້ຳໜັກ ປະມານ 3 ໂຕນ, ໂຈມຕີໃນໄລຍະໄກສຸດ 300 ກິໂລແມັດ, ບິນສູງຈາກໜ້າດິນໄດ້ປະມານ 24 ກິໂລແມັດ, ສາມາດຕິດຕັ້ງອາວຸດ, ລູກສອນໄຟ ໄລຍະໃກ້ ແລະ ກາງໄດ້, ມີປະສິດທິພາບສູງໃນການໂຈມ ຕີ ແລະ ທຳລາຍລ້າງເປົ້າໝາຍ, ທີ່ສຳຄັນເຮືອ ບິນດັ່ງກ່າວສາມາດລົບຫຼີກຄື້ນຣາດາຂອງຝ່າຍກົງກັນຂ້າມໄດ້ ນອກຈາກນີ້, ຮູບຊົງຂອງເຮືອບິນຈະແຕກຕ່າງ ຈາກລຸ້ນຜ່ານໆມາ ເພາະມີລະບົບການຄວບຄຸມທີ່ຄຳນວນຄ່າຕ່າງໆໃນການໂຈມຕີເປົ້າໝາຍແບບອັດຕະໂນມັດ ແລ້ວສົ່ງມາຍັງສູນບັນຊາການ ເພື່ອລໍຖ້າ ຄຳສັ່ງຢືນຍັນອີກເທື່ອໜຶ່ງ.
ແຫຼ່ງທີ່ມາ: ໜັງສືພິມກອງທັບ
ວັນທີ 22/09/2022