ກອງທັບແອັດສະປາຍ ສັ່ງຊື້ກໍ່າປັ່ນສູ້ຮົບລຸ້ນໃໝ່ຈຳນວນ 5 ລຳ
ສຳນັກຂ່າວ ເຈນ ລາຍງານໃນວັນທີ 19 ພະຈິກ ນີ້ວ່າ: ພາຍຫຼັງທີ່ກະຊວງປ້ອງກັນປະເທດແອັດສະປາຍ
ໄດ້ຕົກລົງເຊັນສັນຍາສັ່ງຊື້ກໍ່າປັ່ນສູ້ຮົບລຸ້ນໃໝ່
ຈາກບໍລິສັດ ນາວາເຕຍ ຈຳນວນ 5 ລຳໃນວົງເງິນມູນຄ່າຫຼາຍກວ່າ 4,31 ຕື້ໂດລາສະຫະລັດ, ຫຼ້າສຸດທັງສອງຝ່າຍກໍໄດ້ເປີດເຜີຍວ່າ: ໃນປັດຈຸບັນນີ້ແມ່ນ
ໄດ້ສຳເລັດຂັ້ນຕອນການອອກແບບ ແລະ ການຕິດຕັ້ງອາວຸດລວມເຖິງລະບົບຕ່າງໆພາຍໃນເຮືອສົມບູນແບບແລ້ວ ແລະ
ຈະເລີ່ມຂັ້ນຕອນການຜະລິດໃນ
ໄວໆນີ້. ເຈົ້າໜ້າທີ່ຂັ້ນສູງຂອງບໍລິສັດດັ່ງກ່າວໄດ້ເປີດເຜີຍວ່າ: ພວກເຮົາໄດ້ເຊັນສັນຍາກັນມາຕັ້ງແຕ່ທ້າຍປີ 2019,
ແຕ່ຍ້ອນສະພາບການແຜ່ລະບາດຂອງ
ພະຍາດໂຄວິດ-19 ໂຄງການດັ່ງກ່າວຈຶ່ງຕ້ອງໄດ້ຢຸດຕິຊົ່ວຄາວ ແລະ ມາຮອດປັດຈຸບັນພວກເຮົາຈຶ່ງໄດ້ມີການຄົ້ນຄວ້າຄືນ ແລະ
ອອກແບບຄືນໃນບາງຈຸດ
ຕາມຄວາມຕ້ອງການຂອງກອງທັບເຮືອ ແອັດສະປາຍ, ໂດຍກອງທັບແອັດສະປາຍສັ່ງຊື້ກໍ່າປັ່ນສູ້ຮົບລຸ້ນ F-110 ຈຳນວນ 5 ລຳ
ເຊິ່ງມີກຳນົດການສົ່ງມອບ
ໃນປີ 2025-2026.
ແຫຼ່ງທີ່ມາ: ໜັງສືພິມກອງທັບ
ວັນທີ 25/11/2022