ລະບົບລູກສອນໄຟປ້ອງກັນອາກາດ S-400 ຂອງຕູຣະເກຍ ພ້ອມໃຊ້ງານແລ້ວ
ອີງຕາມລາຍງານຈາກແຫຼ່ງຂ່າວ Army Recognition ເປີດເຜີຍໃຫ້ຮູ້ໂດຍອ້າງ ຈາກກະຊວງປ້ອງກັນປະເທດຂອງຕູຣາເກຍ ໃນວັນທີ 23 ພະຈິກ
2022 ນີ້ວ່າ: ລະບົບລູກສອນໄຟປ້ອງກັນໄພທາງອາກາດ S-400 ຜະລິດໂດຍຣັດເຊຍ ທີ່ຕູຣາເກຍ ສັ່ງຊື້ນັ້ນ ພ້ອມໃຊ້ງານຢ່າງສົມບູນແບບແລ້ວ.
ລາຍ
ງານໃຫ້ຮູ້ວ່າ: ຣັດເຊຍ ແລະ ຕູຣາເກຍໄດ້ເຊັນສັນຍາສັ່ງຊື້ ລະບົບລູກສອນໄຟປ້ອງກັນໄພທາງອາກາດ S-400 ເມື່ອປີ 2017,
ແຕ່ບັນລຸຂັ້ນຕອນຕ່າງໆທັງ
ໝົດໃນເດືອນຕຸລາ ປີ 2019. ຈຳນວນ 4 ລະບົບ, ດ້ວຍມູນຄ່າລວມ 2,5 ຕື້ໂດລາສະຫະລັດ ແລະ
ກາຍເປັນປະເທດທຳອິດໃນບັນດາສະມາຊິກນາໂຕທີ່
ສັ່ງຊື້ລະບົບລູກສອນໄຟດັ່ງກ່າວຈາກຣັດເຊຍ. ລະບົບລູກສອນໄຟ S-400 ເປັນລະບົບລູກສອນໄຟປ້ອງກັນໄພທາງອາກາດແບບເຄື່ອນທີ່
ທີ່ພັດທະນາໂດຍ
ບໍລິສັດ ສູນກາງການອອກແບບ ອາລມາຊ ຂອງຣັດເຊຍ, ເຊິ່ງຖືກອອກແບບມາເພື່ອຕໍ່ຕ້ານເຮືອບິນມີຄົນຂັບ ແລະ ບໍ່ມີຄົນຂັບ ແລະ
ລູກສອນໄຟໂຈມຕີ
ອື່ນໆ. ລະບົບລູກສອນໄຟ S-400 ປະກອບມີ: ລະບົບຄວບຄຸມ ແລະ ບັນຊາການ, ຣາດາກວດກາຄວາມຮຽບຮ້ອຍ, ຣາດາຈັບເປົ້າໝາຍ ແລະ ຖານຕັ້ງຍິງ
4 ຖານ, ເຊິ່ງລະບົບລູກສອນໄຟ S-400 ສາມາດຍິງລູກສອນໄຟ 4 ຊະນິດຕ່າງກັນຄື: ລູກສອນໄຟໄລຍະໃກ້ 9M96E ທີ່ມີໄລຍະຍິງ 40 ກິໂລແມັດ,
ລູກສອນໄຟໄລຍະກາງ 9M96E2 ທີ່ມີໄລຍະຍິງ 120 ກິໂລແມັດ, ລູກສອນໄຟໄລຍະໄກ 48N6 ທີ່ມີໄລຍະຍິງ 250 ກິໂລແມັດ ແລະ ລູກສອນໄຟໄລ
ຍະໄກສຸດ 40N6E ທີ່ມີໄລຍະຍິງ 400 ກິໂລແມັດ.
ແຫຼ່ງທີ່ມາ: ໜັງສືພິມກອງທັບ
ວັນທີ 29/11/2022