ຫວຽດນາມ ປັບປຸງລະບົບການຈັດຕັ້ງໃຫ້ພະນັກງານລັດ ປະຕິບັດໜ້າທີ່ວຽກງານມີຜົນສຳເລັດສູງ
ໃນວັນທີ 29 ມິຖຸນາ 2025 ສສ ຫວຽດນາມ ໄດ້ປະກາດນຳໃຊ້ກົດລະບຽບໃໝ່ ເພື່ອປັບປຸງລະບົບການຈັດຕັ້ງພະນັກງານລັດຖະກອນ
ໂດຍໄດ້ກຳນົດວ່າບັນດາເຈົ້າໜ້າທີ່ ຫຼື ພະນັກງານລັດ ທີ່ບໍ່ສາມາດປະຕິບັດໜ້າທີ່ວຽກງານຂອງຕົນ ຕາມທີ່ຂັ້ນເທິງໄດ້ມອບໝາຍໃຫ້ສຳເລັດລຸ
ລ່ວງພາຍໃນ 1 ປີ, ບຸກຄົນນັ້ນຈະຖືກພິຈາລະນາໃຫ້ຫຼຸດຊັ້ນ ຫຼື ອອກຈາກຕຳແໜ່ງຂອງຕົນ.
ກົດລະບຽບໃໝ່ ຍັງກວມລວມເອົາບັນດາພະນັກງານລັດປະເພດອື່ນໆ ອີກເຊັ່ນ: ເຈົ້າໜ້າທີ່ ຫຼື ພະນັກງານ ທີ່ຍັງລໍຖ້າການສັບຊ້ອນຕຳ
ແໜ່ງຈາກຂັ້ນເທິງ ເນື່ອງຈາກມີການປ່ຽນແປງລະບົບການຈັດຕັ້ງ, ຍຸບ, ລວມເອົາກົມ ຫຼື ກະຊວງຂອງຕົນເຂົ້າກັບກະຊວງອື່ນ. ຕະຫຼອດເຖິງ
ບຸກຄົນທີ່ຍັງຂາດວຸດທິການສຶກສາ ຫຼື ລະດັບວິຊາສະເພາະທີ່ກົງກັບໜ້າທີ່ຂອງຕົນ ແຕ່ພັດຍັງຖືເບົາກັບການພັດທະນາ ຫຼື ເຂົ້າຮ່ວມການເຝິກ
ອົບຮົມເພີ່ມຕື່ມ ເພື່ອໃຫ້ປະຕິບັດໜ້າທີ່ຂອງຕົນຕໍ່ໄປໄດ້, ບຸກຄົນເຫຼົ່ານີ້ ກໍຈະຖືກພິຈາລະນາໃຫ້ອອກຈາກລັດຖະກອນເຊັ່ນດຽວກັນ.
ສະພາແຫ່ງຊາດ ສສ ຫວຽດນາມ ຍັງລະບຸຕື່ມອີກວ່າ: ກົດລະບຽບໃໝ່ນີ້, ຄາດວ່າຈະສາ ມາດຫຼຸດຈຳນວນພະນັກງານລັດລົງ ໄດ້ປະມານ
250.000 ຄົນ ໃນຊຸມປີຕໍ່ໜ້າ, ເຊິ່ງຖືເປັນບາດກ້າວສຳຄັນໃນການບໍລິຫານຊັບພະຍາກອນ, ບຸກຄະລາກອນຂອງປະເທດຢ່າງມີປະສິດທິພາບ
ຍິ່ງຂຶ້ນ.
ແຫຼ່ງທີ່ມາ: ຂກທ
ວັນທີ 02/07/2025