ສະຫະພາບ ເອີຣົບ ຢືນຢັນສິດ ໃນການກຳນົດກົດລະບຽບດິຈີຕອນ
ວັນທີ 28 ສິງຫາ ພາຍຫຼັງທີ່ ປະທານນາທິບໍດີ ອາເມຣິກາ ປະກາດຈະເກັບພາສີ ແບບຕອບໂຕ້ ຕໍ່ມາດຕະການຕິດຕາມຄຸ້ມຄອງ ດ້ານດິ
ຈີຕອນ ຂອງປະເທດອື່ນ, ເຈົ້າໜ້າທີ່ ສະຫະພາບ ເອີຣົບ ກໍໄດ້ປະກາດວ່າ ສະຫະພາບ ເອີຣົບ ແລະ ປະເທດ ສະມາຊິກຂອງຕົນມີອະທິປະໄຕ
ແລະ ສິດທິ ໃນການກຳນົດກົດລະບຽບການເຄື່ອນໄຫວ ດ້ານເສດຖະກິດຢູ່ພາຍໃນຂອງຕົນ. ທ່ານ ນາງ ພອນລາ ປິນໂຮ ຫົວໜ້າໂຄສົກ ຂອງ
ຄະນະກຳມາທິການ ສະຫະພາບ ເອີຣົບ ກ່າວວ່າ: “ການວາງກົດລະບຽບຕໍ່ການເຄື່ອນໄຫວ ດ້ານເສດຖະກິດ ພາຍໃນ ເປັນອະທິປະໄຕ ແລະ
ສິດທິ ຂອງສະຫະພາບ ເອີຣົບ ແລະ ປະເທດ ສະມາຊິກຂອງຕົນ.” ບັນຫາດັ່ງກ່າວ ບໍ່ນອນຢູ່ໃນຂອບສັນຍາການຄ້າ ລະຫວ່າງ ສະຫະພາບ ເອີ
ຣົບ-ອາເມຣິກາ ແລະ ເປັນສອງບັນຫາ ທີ່ມີຄວາມແຕກຕ່າງກັນ. ປະທານາທິບໍດີ ອາເມຣິກາ ໄດ້ເຜີຍແຜ່ ຂໍ້ຄວາມຜ່ານສື່ສັງຄົມອອນລາຍ ໂດຍ
ກ່າວເຕືອນວ່າ: ທຸກປະເທດ ທີ່ເກັບພາສີດິຈີຕອນ, ສ້າງກົດໝາຍ ດ້ານດິຈີຕອນ, ວາງກົດລະບຽບດ້ານດິຈີຕອນ ຫລື ດຳເນີນການຕິດຕາມຄຸ້ມ
ຄອງ ດ້ານດິຈີຕອນ, ເວັ້ນແຕ່ ປະເທດເຫລົ່ານີ້ ຍົກເລີກມາດຕະການ ເລືອກປະຕິບັດຕໍ່ວິສາຫະກິດ ອາເມຣິກາ ເທົ່ານັ້ນ, ຖ້າບໍ່ດັ່ງນັ້ນ, ຈະເກັບ
ພາສີ ນຳເຂົ້າສູງພິເສດ ຕໍ່ສິນຄ້າທີ່ສົ່ງເຂົ້າໄປ ອາເມຣິກາ.
ແຫຼ່ງທີ່ມາ: ຂກທ
ວັນທີ 02/09/2025