ຍີ່ປຸ່ນ ຢືນຢັນບໍ່ໄດ້ກັງວົນຕໍ່ມາດຕະການນຳເຂົ້າ ເພີ່ມຂຶ້ນຈາກ ອາເມຣິກາ
ວັນທີ 2 ກໍລະກົດ 2025 ທ່ານ ໂຢຊິມາສະ ຮາຢາກິ ຫົວໜ້າເລຂາທິການຄະນະລັດຖະບານຍີ່ປຸ່ນ ເນັ້ນຈຸດຢືນໃນວັນທີ 1 ກໍລະ
ກົດ ຜ່ານມາວ່າ: ຍີ່ປຸ່ນຈະບໍ່ເສຍສະຫຼະຂະແໜງກະສິກຳຂອງປະເທດ ເພື່ອຕອບສະໜອງຕໍ່ຂໍ້ຮຽກຮ້ອງຫຼ້າສຸດຂອງປະທານາທິບໍດີ ໂດ
ນັນທຣຳ ທີ່ຕ້ອງການໃຫ້ຍີ່ປຸ່ນນຳເຂົ້າ ເຂົ້າຈາກອາເມຣິກາເພີ່ມຂຶ້ນ.
ທ່ານ ໂຢຊິມາສະ ຮາຢາກິ ກ່າວໃນການຖະແຫຼງຂ່າວວ່າ: ເຮົາບໍ່ມີຄວາມຕັ້ງໃຈຈະປານີປານອມໃນສະຖານະການໃດກໍຕາມ ທີ່
ຈະສົ່ງຜົນເສຍຕໍ່ຂະແໜງກະສິກຳຂອງຍີ່ປຸ່ນໃນການເຈລະຈາໃນອະນາຄົດ. ຄຳຖະແຫຼງດັ່ງກ່າວມີຂຶ້ນຫຼັງຈາກ ທ່ານ ໂດນັນ ທຣຳ ໂພສ
ຂໍ້ຄວາມຜ່ານແພັດຟອມໂຊຊຽວມີເດຍຂອງທ່ານ ອ້າງວ່າ: ຍີ່ປຸ່ນກຳລັງປະສົບບັນຫາຂາດເຂີນເຂົ້າກິນຢ່າງໜັກ ແຕ່ພັດປະຕິເສດຈະຍອມ
ຮັບເຂົ້າຈາກ ອາເມຣິກາ ເຊິ່ງຂໍ້ຄວາມນີ້ຖືກເບິ່ງວ່າເປັນຄວາມພະຍາຍາມທີ່ຈະກົດດັນຍີ່ປຸ່ນໃຫ້ຂະຫຍາຍການນຳເຂົ້າ ເຂົ້າໃນຂະນະທີ່ທັງ
ສອງຝ່າຍຍັງເດີນໜ້າເຈລະຈາພາສີອາກອນກັນຢູ່.
ປັດຈຸບັນ ຍີ່ປຸ່ນ ປະເຊີນພາສີນຳເຂົ້າຍານພາຫະນະ ແລະ ຊິ້ນສ່ວນຈາກອາເມຣິກາ ໃນອັດຕາ 25% ແລະ ພາສີເຫຼັກ ແລະ ອາລູມີ
ນຽມໃນອັດຕາ 50% ເຊິ່ງທັງສອງຝ່າຍຈະມີການຫາລືກັນຫຼາຍຮອບ, ແຕ່ພັດບໍ່ຄືບໜ້າ. ທ່ານ ໂຢຊິມາສະ ຮາຢາກິ ເນັ້ນໜັກວ່າ: ຍີ່ປຸ່ນ
ຈະເດີນໜ້າເຈລະຈາຢ່າງສ້າງສັນ ແລະ ຈິງໃຈຕໍ່ ອາເມຣິກາ ຕໍ່ໄປ ເພື່ອໃຫ້ບັນລຸຂໍ້ຕົກລົງທີ່ຈະເປັນປະໂຫຍດຕໍ່ທັງສອງປະເທດ.
ແຫຼ່ງທີ່ມາ: ຂກທ
ວັນທີ 03/07/2025