ສປຊ ກ່າວເຕືອນຈຳນວນຜູ້ເສຍຊີວິດໃນເຫດແຜ່ນດິນໄຫວຢູ່
ແອັບຟະການິດສະຖານ ອາດຈະເພີ່ມຂຶ້ນແບບທະວີຄູນ
ໃນວັນທີ 3 ກັນຍາ 2025 ເຫດແຜ່ນດິນໄຫວເກີດຂຶ້ນຢູ່ພາກຕາເວັນອອກ ແອັບຟະການິດສະຖານໃນວັນທີ 31 ສິງຫາ ຜ່ານມາ
ອາດສົ່ງຜົນກະທົບນັບແສນຄົນ. ວັນທີ 2 ກັນຍາ ຜ່ານມາ, ຜູ້ປະສານງານມະນຸດສະທຳຂອງ ສປຊ ປະຈຳ ແອັບຟະການິດສະຖານ ກ່າວ
ເຕືອນວ່າ ຈຳນວນຜູ້ເສຍຊີວິດໃນເຫດແຜ່ນດິນໄຫວນີ້ ອາດຈະເພີ່ມຂຶ້ນ ແບບທະວີຄູນ.
ມີຜູ້ເສຍຊີວິດຫຼາຍກວ່າ 1.400 ຄົນ, ຜູ້ບາດເຈັບ 3.200 ຄົນ ແລະ ເຮືອນ 8.000 ຫຼັງຖືກພັງທະລາຍໃນເຫດແຜ່ນດິນໄຫວທີ່ມີ
ຄວາມແຮງ 6,0 ຣິກເຕີ ຢູ່ບັນດາເຂດຫ່າງໄກສອກຫຼີກຢູ່ບັນດາເຂດພູດອຍ ແອັບຟະການິດສະຖານ ຕິດກັບຊາຍແດນ ປາກິດສະຖານ.
ຕາມອົງການສຳຫຼວດທໍລະນີສາດ ອາເມລິກາ (USGS) ແລ້ວ, ຈຸດໃຈກາງຂອງເຫດແຜ່ນດິນໄຫວນີ້ຫ່າງຈາກນະຄອນ Jalalabad 27
ກິໂລແມັດ.
ແຫຼ່ງທີ່ມາ: ຂກທ
ວັນທີ 08/09/2025