ອິນໂດເນເຊຍ ຈັບກຸມເຄືອຂ່າຍ ການພະນັນອອນລາຍ
ສຳນັກຂ່າວຫວຽດນາມ ລາຍງານວັນທີ 8 ກັນຍາ ວ່າ: ຕຳຫຼວດອິນໂດເນເຊຍ ໄດ້ທຳລາຍເຄືອຂ່າຍການພະນັນອອນລາຍທີ່ດຳເນີນງານ
ຜ່ານເວັບໄຊທີ່ຄວບຄຸມຈາກຕ່າງປະເທດ ຈຳນວນ 3 ແຫ່ງ ເຊິ່ງສ້າງລາຍຮັບໄດ້ເຖິງ 1 ພັນຕື້ຣູເປຍ (ສະກຸນເງິນອິນໂດເນເຊຍ) ຕໍ່ປີ ແລະ ຈັບ
ກຸມຜູ້ຕ້ອງສົງໄສ 5 ຄົນ.
ຜູ້ຕ້ອງສົງໄສທັງໝົດຖືກຈັບຕົວໃນນະຄອນຫຼວງຈາກາຕາ, ເມືອງຕັງເກຣັງໃຕ້ ແລະ ເມືອງເຊມາຣັງ ໃນເດືອນກໍລະກົດ ຜ່ານມາ ຍ້ອນ
ຊ່ວຍເຫຼືອໃນການສ້າງຕັ້ງບໍລິສັດບັງໜ້າ ແລະ ເປີດບັນຊີທະນາຄານເພື່ອຮັບເງິນຈາກການພະນັນ. ໂດຍເຄືອຂ່າຍດັ່ງກ່າວໄດ້ດຳເນີນການທຸລະ
ກຳຫຼາຍກວ່າ 1.03 ພັນຕື້ຣູເປຍ ລະຫວ່າງເດືອນມັງກອນ - ສິງຫາ 2026, ສະເລ່ຍປະມານ 8,6 ຕື້ຣູເປຍ ຕໍ່ມື້.
ຕຳຫຼວດອິນໂດເນເຊຍ ໄດ້ຢຶດເງິນປະມານ 51 ຕື້ຣູເປຍ ທີ່ຢູ່ໃນຄວາມຄອບຄອງຂອງຜູ້ໃຫ້ບໍລິການຊຳລະເງິນ 5 ຄົນ ແລະ ກຳລັງຄົ້ນຫາ
ຜູ້ຕ້ອງສົງໄສຄົນທີ 6 ທີ່ເຊື່ອວ່າເປັນຜູ້ວາງແຜນຢູ່ເບື້ອງຫຼັງເຄືອຂ່າຍ. ຜູ້ຕ້ອງສົງໄສເຫຼົ່ານີ້ອາດຈະຕິດຄຸກສູງສຸດ 15 ປີ ຕາມກົດໝາຍ ວ່າດ້ວຍ
ການໂອນເງິນທາງເອເລັກໂຕຣນິກ ແລະ ກົດໝາຍອາຍາຂອງອິນໂດເນເຊຍ.
ແຫຼ່ງທີ່ມາ: ຂກທ
ວັນທີ 09/09/2026