ທ່ານ ໂຕເລິມ ໄດ້ຮັບການເລືອກຕັ້ງໃຫ້ດຳລົງຕຳແໜ່ງ ປະທານປະເທດ ອາຍຸການ 2026-2031
ຕາມຂ່າວຫວຽດນາມ ອອນໄລ, ຕອນເຊົ້າວັນທີ 7 ເມສາ, ທີ່ກອງປະຊຸມຄັ້ງປະຖົມມະເລີກ, ສະພາແຫ່ງຊາດ ຊຸດທີ XVI,
ສະພາແຫ່ງຊາດ ເລືອກຕັ້ງ ທ່ານ ໂຕ ເລິມ ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ ໃຫ້ດຳລົງ
ຕຳແໜ່ງປະທານປະເທດ ອາຍຸການ 2026-2031. ຕາມການລົງຄະແນນ, ດ້ວຍຈຳນວນສະມາຊິກສະພາແຫ່ງຊາດ 495/495
ຄົນ (100% ສະມາຊິກສະພາແຫ່ງຊາດທີ່ມີໜ້າ) ຕົກລົງເຫັນດີ, ສະພາແຫ່ງຊາດ ໄດ້ຮັບຮອງເອົາຮ່າງມະຕິເລືອກຕັ້ງທ່ານ ໂຕ
ເລິມ, ເລຂາທິການໃຫຍ່ ຄະນະບໍລິຫານງານສູນກາງພັກກອມມູນິດຫວຽດນາມ, ສະມາຊິກສະພາແຫ່ງຊາດ ຊຸດທີ XVI ຮັບ
ດຳລົງຕຳແໜ່ງປະທານປະເທດ ອາຍຸການ 2026-2031. ພາຍຫຼັງແຈ້ງຜົນການເລືອກຕັ້ງ, ທ່ານ ໂຕ ເລິມ ໄດ້ສາບານຕົວ ແລະ
ກ່າວປາໄສຮັບດຳລົງຕຳແໜ່ງຕໍ່ໜ້າສະພາແຫ່ງຊາດ, ພາຍໃຕ້ທຸງແດງດາວເຫຼືອງທີ່ສັກກາລະບູຊາຂອງປະເທດຊາດ, ຕໍ່ໜ້າສະພາ
ແຫ່ງຊາດ, ພໍ່ແມ່ປະຊາຊົນ, ຜູ້ມີສິດເລືອກຕັ້ງໃນທົ່ວປະເທດ, ທ່ານ ໂຕ ເລິມ ກ່າວສາບານຕົວວ່າ: ຈະ “ຈົ່ງຮັກພັກດີຕໍ່ປະເທດ
ຊາດ, ຕໍ່ປະຊາຊົນ, ລັດຖະທຳມະນູນຂອງປະເທດ ສສ ຫວຽດນາມ; ມານະພະຍາຍາມສູ້ຊົນ, ປະຕິບັດສຳເລັດໜ້າທີ່ເຊິ່ງພັກ, ລັດ
ແລະ ປະຊາຊົນມອບໝາຍໃຫ້”.
ແຫຼ່ງທີ່ມາ: ຂກທ
ວັນທີ 10/04/2026