ສປ ຈີນ ກວດພົບຜູ້ຕິດເຊື້ອພະຍາດ ຊີຄຸນກຸນຢາ ຈຳນວນ 7.000 ຄົນ
ວັນທີ 8 ສິງຫາ 2025 ສປ ຈີນ ພວມປະເຊີນກັບການແພ່ລະບາດຂອງພະຍາດຊີຄຸນກຸນຢາ ຫຼື ພະຍາດໄຂ້ປວດຂໍ້ຍຸງລາຍເປັນພະຍາດ
ຈາກຍຸງເປັນພາຫະນະນຳເຊື້ອ, ພົບຜູ້ຕິດເຊື້ອຫຼາຍກວ່າ 7.000 ຄົນ ໃນແຂວງກວາງຕຸ້ງ ຕັ້ງແຕ່ເດືອນກໍລະກົດຜ່ານມາ, ສົ່ງຜົນໃຫ້ຕ້ອງໃຊ້
ມາດຕະການຄວາມຄຸມທີ່ຄ້າຍຄືກັບໄລຍະແພ່ລະບາດຂອງ ພະຍາດ ໂຄວິດ-19.
ເມືອງຝໍຊານ ເປັນພື້ນທີ່ ທີ່ໄດ້ ຮັບຜົນກະທົບຢ່າງໜັກທີ່ສຸດ ໂດຍມີການກຳນົດມາດຕະການໃຫ້ຜູ້ ຕິດເຊື້ອຊີຄຸນກຸນຢາ ຕ້ອງເຂົ້າປິ່ນປົວ
ໃນໂຮງໝໍ ແລະ ນອນໃນ ມຸ້ງຕະຫຼອດເວລາ, ໂດຍຈະອະນຸຍາດໃຫ້ກັບບ້ານ ເມື່ອຜົນກວດ ເປັນລົບ ຫຼື ເຂົ້າປິ່ນປົວ ເປັນເວລາ 7 ວັນ, ເນື່ອງ
ຈາກເປັນພະຍາດ ທີ່ບໍ່ມີຄົນຮູ້ຈັກ ແລະ ແພ່ຫຼາຍໃນຈີນ.
ນອກຈາກນັ້ນ, ຍັງມີການ ລາຍງານວ່າຍັງມີ 12 ເມືອງໃນ ແຂວງກວາງຕຸ້ງ ມີຜູ້ຕິດເຊື້ອດັ່ງ ກ່າວຕັ້ງແຕ່ເດືອນກໍລະກົດເປັນຕົ້ນມາ. ໂດຍ
ພະຍາດດັ່ງກ່າວມີອາການໄຂ້ອອກຕຸ່ມ ແລະ ປວດຂໍ້. ພະຍາດນີ້ບໍ່ສາມາດຕິດຕໍ່ຈາກຄົນສູ່ຄົນໄດ້ ໂດຍກົງແຕ່ຈະແພ່ກະຈາຍ ໂດຍຜ່ານຍຸງກັດ
ຜູ້ຕິດເຊື້ອແລ້ວໄປກັດຄົນອື່ນຕໍ່.
ແຫຼ່ງທີ່ມາ: ຂກທ
ວັນທີ 12/08/2025