ໂອເປັກບວກ ເພີ່ມການຜະລິດນ້ຳມັນ ຫຼາຍກວ່າແສນຖັງຕໍ່ວັນກຸ່ມ
ສຳນັກຂ່າວຊິນຮວາ ລາຍງານເມື່ອຕົ້ນອາທິດນີ້, 7 ປະເທດໃນກຸ່ມໂອເປັກບວກ (OPEC+) ຫຼື ກຸ່ມພັນທະມິດປະເທດຜູ້ສົ່ງອອກນ້ຳມັນ
ປະກອບມີ: ອາຣັບບີ ຊາອຸດິດ, ຣັດເຊຍ, ອີຣັກ, ກູເວດ, ກາຊັກສະຖານ, ອານເຊຣີ ແລະ ໂອມານ, ໄດ້ຕົກລົງເພີ່ມການຜະລິດນ້ຳມັນ ໃນເດືອນ
ກັນຍາ ຂຶ້ນອີກ 1,88 ແສນຖັງຕໍ່ວັນ ພາຍຫຼັງຈັດກອງປະຊຸມຮ່ວມກັນ ເພື່ອທົບທວນສະຖານະການ ແລະ ທ່າອ່ຽງຂອງຕະຫຼາດໂລກ.
ໃນທີ່ປະຊຸມ7 ປະເທດ ເຫັນດີເປັນເອກະພາບຕັດສິນໃຈເພີ່ມກໍາລັງການຜະລິດ ເພື່ອຮ່ວມສະໜັບສະໜູນສະຖຽນລະພາບ ຂອງຕະຫຼາດນ້ຳ
ມັນ, ເຊິ່ງກ່ອນໜ້ານີ້ ເຄີຍປັບຫຼຸດການຜະລິດນ້ຳມັນໂດຍສະໝັກໃຈ ຄັ້ງທຳອິດ ຢູ່ທີ່ 1,65 ລ້ານຖັງຕໍ່ວັນ ໃນເດືອນເມສາ 2023 ແລະ ໄດ້ຂະ
ຫຍາຍເວລາການປັບຫຼຸດດັ່ງກ່າວ ຈົນເຖິງທ້າຍປີ 2026, ໂດຍມະຕິໃນວັນທີ 2 ສິງຫາ ນັບເປັນເດືອນທີ 6 ຕິດຕໍ່ກັນ ທີ່ກຸ່ມໂອເປັກບວກ ໄດ້
ເຫັນດີເພີ່ມກໍາລັງການຜະລິດນ້ຳມັນ.
ແຫຼ່ງທີ່ມາ: ຂກທ
ວັນທີ 12/08/2026