ປະທານາທິບໍດີຝຣັ່ງ ຄັດຄ້ານຢ່າງຮຸນແຮງຕໍ່ອາເມຣິກາ ທີ່ຂຶ້ນພາສີ 30% ຕໍ່ສະຫະພາບເອີຣົບ
ວັນທີ 13 ກໍລະກົດ ນີ້, ໂດຍອີງຕາມ ທ່ານ ເອັມມານູເອວ ມາຄຣົງ ປະທານາທິບໍດີຝຣັ່ງໄດປະກາດຜ່ານສື່ສັງຄົມອອນລາຍວ່າ: ຝຣັ່ງ ແລະ
ຄະນະກຳມາທິການສະຫະພາບເອີຣົບເປັນເອກະພາບກັນຄັດຄ້ານຢ່າງຮຸນແຮງຕໍ່ອາເມຣິກາ ທີ່ປະກາດໃນມື້ດຽວກັນວ່າ, ຈະຂຶ້ນພາສີໃນລະດັບ
30% ຕໍ່ສິນຄ້າສົ່ງອອກຈາກສະຫະພາບເອີຣົບ ເລີ່ມແຕ່ວັນທີ 1 ສິງຫາ ນີ້ເປັນຕົ້ນໄປ.
ທ່ານ ມາຄຣົງ ແຈ້ງໃຫ້ຮູ້ວ່າ: ພາຍໃຕ້ສະພາບການທີ່ສະຫະພາບເອີຣົບ ສາມັກຄີກັນ,ຄະນະກຳມາທິການສະຫະພາບເອີຣົບ ຄວນສະແດງ
ໃຫ້ເຫັນເຖິງຄວາມຕັດສິນໃຈຂອງສະຫະພາບເອີຣົບ ໃນການປົກປ້ອງຜົນປະໂຫຍດຂອງຕົນຢ່າງເດັດດ່ຽວ. ຖ້າຫາກສະຫະພາບເອີຣົບ ແລະ ອາ
ເມຣິກາບໍ່ສາມາດບັນລຸຄວາມເຫັນທີ່ເປັນເອກະພາບກັນກ່ອນວັນທີ 1 ສິງຫາ ນີ້, ສະຫະພາບເອີຣົບ ຄວນປຸກລະດົມມາດຕະການທັງໝົດລວມທັງ
ກົນໄກຕໍ່ຕ້ານໄພຂົ່ມຂູ່ ເພື່ອເລັ່ງລັດກະກຽມ “ມາດຕະການຕອບໂຕ້ທີ່ໜ້າເຊື່ອຖື”. ຝຣັ່ງ ສະໜັບສະໜູນຄະນະກຳມາທິການສະຫະພາບເອີຣົບ
ເລັ່ງລັດດຳເນີນການເຈລະຈາກັບອາເມຣິກາ ເພື່ອບັນລຸສັນຍາທີ່ຕ່າງຝ່າຍຕ່າງສາມາດຮັບເອົາໄດ້ກ່ອນ ວັນທີ 1 ສິງຫາ ນີ້.
ຄະນະທີ່ທ່ານນາງ ເອີຊູລາ ວົນ ເດີ ເລເຢນ ປະທານຄະນະກຳມາທິການສະຫະພາບເອີຣົບ ຢືນຢັນວ່າ: ການທີ່ອາເມຣິກາ ຂຶ້ນພາສີໃນລະດັບ
30% ຕໍ່ສິນຄ້າສົ່ງອອກຈາກສະຫະພາບເອີຣົບ ຈະລົບກວນຕ່ອງໂສ້ການສະໜອງຂ້າມມະຫາສະໝຸດອັດລັງຕິກອັນສຳຄັນ, ທັງຈະທຳລາຍຜົນປະ
ໂຫຍດຂອງວິສາຫະກິດກໍຄືຜູ້ບໍລິໂພກຢູ່ສອງຝັ່ງມະຫາສະໝຸດອັດລັງຕິກນຳອີກ. ສະຫະພາບເອີຣົບ ຈະນຳໃຊ້ທຸກມາດຕະການອັນຈຳເປັນເພື່ອປົກ
ປ້ອງຜົນປະໂຫຍດ ຂອງຕົນເອງ, ລວມທັງມາດຕະການຕອບໂຕ້ທີ່ເທົ່າທຽມກັນໃນກໍລະນີຈຳເປັນ.
ແຫຼ່ງທີ່ມາ: ຂກທ
ວັນທີ 15/07/2025