ກອງປະຊຸມຄູ່ຮ່ວມມືຫຼຸດຜ່ອນຄວາມທຸກຍາກ ທົ່ວໂລກ ຈັດຂຶ້ນທີ່ ສປ ຈີນ
ໃນວັນທີ 12 ທັນວາ ນີ້ ກອງປະຊຸມຄູ່ຮ່ວມມື ຫຼຸດຜ່ອນຄວາມທຸກຍາກທົ່ວໂລກ 2025 ໄດ້ຈັດຂຶ້ນຢູ່ນະຄອນຫຼວງປັກກິ່ງ ສປ ຈີນ ພາຍ
ໃຕ້ຫົວຂໍ້ “ເພີ່ມທະວີການປະສານງານ ລະຫວ່າງ ຄູ່ຮ່ວມມື, ຮັບມືກັບສິ່ງທ້າທ້າຍໃນການຫຼຸດຜ່ອນຄວາມທຸກຍາກ”, ໂດຍມີຜູ້ຕາງໜ້າຈາກ 20
ກວ່າປະເທດ ແລະ ອົງການຈັດຕັ້ງສາກົນເຂົ້າຮ່ວມ ເພື່ອແລກປ່ຽນຄວາມເຫັນຢ່າງເລິກເຊິ່ງໂດຍປິ່ນອ້ອມການຊຸກຍູ້ວາລະການພັດທະນາແບບ
ຍືນຍົງ ຮອດປີ 2030 ຂອງອົງການສະຫະປະຊາຊາດ ໂດຍສະເພາະແມ່ນເປົ້າໝາຍການລົບລ້າງຄວາມທຸກຍາກ.
ບັນດາຜູ້ຕາງໜ້າທີ່ເຂົ້າຮ່ວມກອງປະຊຸມເຫັນວ່າ, ໂດຍປະເຊີນໜ້າກັບສະພາບການຫຼຸດຜ່ອນຄວາມທຸກຍາກທົ່ວໂລກ ທີ່ຍັງຂ້ຽວຂາດຢູ່,
ການເພີ່ມທະວີ ການພົວພັນຄູ່ຮ່ວມມືດ້ານການຫຼຸດຜ່ອນຄວາມທຸກຍາກສາກົນແມ່ນມີຄວາມສຳຄັນທີ່ສຸດ. ຝ່າຍຕ່າງໆຄວນລົງເລິກການແລກ
ປ່ຽນບົດຮຽນຕື່ມອີກ, ປະດິດສ້າງຮູບແບບໃໝ່ ດ້ານການຮ່ວມມື, ຮ່ວມກັນຊຸກຍູ້ພາລະກິດຫຼຸດຜ່ອນຄວາມທຸກຍາກ ທົ່ວໂລກ ໃຫ້ໄດ້ຮັບ
ຄວາມຄືບໜ້າໃໝ່ ເພື່ອປະກອບສ່ວນເຂົ້າໃນການບັນລຸເປົ້າໝາຍການພັດທະນາ ແບບຍືນຍົງ.
ໃນກອງປະຊຸມຄັ້ງນີ້, ຝ່າຍຕ່າງໆ ໄດ້ແບ່ງປັນປະສົບການດ້ານການຫຼຸດຜ່ອນຄວາມທຸກຍາກຫຼາຍ ເລື່ອງ, ເຊິ່ງລວມທັງມາດຕະການ, ປະ
ດິດສ້າງ ແລະ ບົດຮຽນ ໃນການປະພຶດຕ່າງໆ ເຊັ່ນ: ການຊ່ວຍເຫຼືອຕ່າງປະເທດ ດ້ວຍເຕັກໂນໂລຊີກະສິກຳຈີນ, ການຊ່ວຍເຫຼືອເຊິ່ງກັນ ແລະ
ກັນລະຫວ່າງພາກຕາເວັນອອກ ແລະ ຕາເວັນຕົກຈີນ ດ້ານອາຊີວະສຶກສາ ແລະ ອື່ນໆ.
ແຫຼ່ງທີ່ມາ: ຂກທ
ວັນທີ 15/12/2025