ກອງປະຊຸມສຸດຍອດແມ່ຍິງໂລກ ປິດລົງຢ່າງຈົບງາມ
ສຳນັກຂ່າວຊິນຮວາລາຍງານໃນວັນທີ ວັນທີ 13 ຕຸລາ 2025 ວ່າ: ພິທີປິດກອງປະຊຸມສຸດຍອດແມ່ຍິງໂລກໄດ້ຈັດຂຶ້ນຢູ່ນະຄອນຫຼວງ
ປັກກິ່ງ ໂດຍ ທ່ານ ນາງ ເຊີ້ນຢີຊິນ ທີ່ປຶກສາແຫ່ງລັດຈີນ, ປະທານສະຫະພັນແມ່ຍິງ ຈີນ ແລະ ທ່ານ ນາງ ຊີມາ ຊາມີ ບາຮຸສ ຮອງເລຂາທິການ
ໃຫຍ່ ທັງເປັນຫົວໜ້າບໍລິຫານງານຂອງອົງການແມ່ຍິງອົງການສະຫະປະຊາຊາດ ໄດ້ເຂົ້າຮ່ວມພິທີດັ່ງກ່າວ ພ້ອມທັງກ່າວຄຳປາໄສ.
ທ່ານ ນາງ ເຊີນຢີຊິນ ກ່າວວ່າ: ຈີນຍິນດີຮ່ວມມືກັບປະເທດຕ່າງໆໃນໂລກ, ຫັນເຈດຈຳນົງສຳຄັນທີ່ສະເໜີໂດຍ ປະທານ ສີຈິ້ນຜິງ ແລະ
ຄວາມຮັບຮູ້ທີ່ເປັນເອກະພາບກັນດ້ານຍຸດທະສາດທີ່ບັນລຸໃນກອງປະຊຸມໃຫ້ກາຍເປັນການເຄື່ອນໄຫວຕົວຈິງ, ເພື່ອຊ່ວຍເຫຼືອແມ່ຍິງຫຼາຍກວ່າ
ເກົ່າ ເຮັດໃຫ້ຄວາມຝັນຂອງຕົນປາກົດເປັນຈິງ ແລະ ສ້າງຊີວິດທີ່ດີງາມ. ທ່ານ ນາງ ຊາມີ ບາຮຸສ ຍ້ອງຍໍຊົມເຊີຍຜົນສຳເລັດອັນໃຫຍ່ຫຼວງຂອງ
ພາລະກິດແມ່ຍິງຈີນ ພ້ອມທັງການປະກອບສ່ວນໃຫຍ່ຫຼວງຂອງຈີນທີ່ມີຕໍ່ ການພັດທະນາແມ່ຍິງທົ່ວໂລກ, ປະເທດຕ່າງໆຄວນຖອດຖອນບົດ
ຮຽນໃນການພັດທະນາແມ່ຍິງນຳຈີນ. ຜູ້ຕາງໜ້າປະມານ 800 ຄົນທີ່ມາຈາກ 110 ກວ່າປະເທດແລະ ອົງການຈັດຕັ້ງສາກົນໄດ້ເຂົ້າຮ່ວມພິທີ
ດັ່ງກ່າວ, ໃນພິທີປິດຍັງໄດ້ປະກາດ “ຖະແຫຼງການປະທານກອງປະຊຸມສຸດຍອດແມ່ຍິງໂລກ”.
ແຫຼ່ງທີ່ມາ: ຂກທ
ວັນທີ 20/10/2025