ກອງປະຊຸມອົງການບັນດານະຄອນມໍລະດົກໂລກພາກພື້ນ ອາຊີ-ປາຊີຟິກ
ໃນລະຫວ່າງວັນທີ 14-16 ຕຸລາ 2025, ກອງປະຊຸມພາກພື້ນຄັ້ງທີ 5 ຂອງອົງການບັນດານະຄອນມໍລະດົກໂລກພາກພື້ນອາຊີ-ປາ
ຊີຟິກ (OWHC-AP) ໄດ້ຈັດຂຶ້ນຢູ່ນະຄອນ ເຫ້ວ ສສ ຫວຽດນາມ. ມີຜູ້ແທນຢູ່ພາຍໃນ ແລະຕ່າງປະເທດກວ່າ 100 ທ່ານ ທີ່ມາຈາກ 7
ປະເທດເຂົ້າຮ່ວມກອງປະຊຸມລວມມີ: ສ ເກົາຫຼີ, ຈີນ, ມາເລເຊຍ, ອິນໂດເນເຊຍ, ຟີລິບປິນ, ສີລັງກາ ແລະ ຫວຽດນາມ.
ກອງປະຊຸມໄດ້ສຸມໃສ່ແລກປ່ຽນນະໂຍບາຍ, ບົດຮຽນການຄຸ້ມຄອງເຂດຕົວເມືອງ, ພ້ອມກັບບັນດາມາດຕະການແກ້ໄຂເພື່ອຍົກສູງ
ຄຸນນະພາບການດຳລົງຊີວິດຢູ່ບັນດາເຂດຕົວເມືອງທີ່ມີຄຸນຄ່າມໍລະດົກເປັນເອກະລັກສະເພາະ. ກອງປະຊຸມຍັງມີວາລະພິເສດແມ່ນແນະນຳ
ບັນດາໂຄງການເຂດຕົວເມືອງໃໝ່, ໂດຍທ່ານຫົວໜ້າກອງເລຂາອົງການບັນດານະຄອນມໍລະດົກໂລກ ເປັນປະທານ, ມຸ່ງໄປເຖິງບັນດາຮູບ
ແບບເຂດຕົວເມືອງອັດສະລິຍະ, ຍືນຍົງ ແລະ ຕິດພັນກັບປະຊາຊົນ.
ແຫຼ່ງທີ່ມາ: ຂກທ
ວັນທີ 21/10/2025