ໄທ ຈະປັບປຸງລັດຖະທຳມະນູນ ແລະ ຈັດການເລືອກຕັ້ງໃນໄວໆນີ້
ຕາມຂ່າວສານຫວຽດນາມລາຍງານ ວັນທີ 20 ທັນວາ ນີ້ວ່າ: ຄະນະກຳມະການການເລືອກຕັ້ງ ໄທ (EC) ໄດ້ປະກາດໃຊ້ຂໍ້ກຳນົດ
ອະນຸຍາດການລົງປະຊາມະຕິປັບປຸງລັດຖະທຳມະນູນ ໃນວັນດຽວກັນກັບການເລືອກຕັ້ງທົ່ວປະເທດ ເຊິ່ງຄາດວ່າຈັດຂຶ້ນໃນວັນທີ 8 ກຸມ
ພາ ປີ 2026.
ວິທີການໃໝ່ນີ້, ຊ່ວຍໃຫ້ຫັນວິວັດການປ່ອນບັດເປັນງ່າຍດາຍ, ຊ່ວຍຫຼຸດຜ່ອນຄວາມໜັກໜ່ວງໃຫ້ແກ່ວຽກງານຈັດຕັ້ງ-ບໍລິຫານ
ກໍຄືປະຢັດຄ່າໃຊ້ຈ່າຍ ແລະ ສ້າງຄວາມສະດວກໃຫ້ແກ່ຜູ້ມີສິດເລືອກຕັ້ງ. ປັດຈຸບັນ ຂໍ້ກຳນົດນີ້ພວມລໍຖ້າໄດ້ປະກາດຈາກພະບໍລົມວົງສາ
ນຸວົງ ກ່ອນທີ່ຈະມີຜົນສັກສິດ. ທ່ານ ອະນຸທິນ ຊານວີຣະກູນ ຮັກສາການ ນາຍົກລັດຖະມົນຕີໄດ້ໃຫ້ຂໍ້ສັງເກດວ່າ, ການຈັດຕັ້ງການລົງປະ
ຊາມະຕິປັບປຸງລັດຖະທຳມະນູນ ແລະ ການເລືອກຕັ້ງທົ່ວປະເທດ ຈະຊ່ວຍປະຢັດໄດ້ເງິນຈຳນວນກວ່າ 120 ລ້ານ ໂດລາສະຫະລັດ.
ວຽກງານກະກຽມໃຫ້ແກ່ການເລືອກຕັ້ງທົ່ວປະເທດປີ 2026 ພວມຜັນຂະຫຍາຍຢ່າງຮີບດ່ວນ. ບັນດາສະຖານທີ່ປ່ອນບັດກ່ອນກຳ
ນົດເວລາ, ລວມມີບັນດາສະຖານທີ່ສະຫງວນໃຫ້ແກ່ຜູ້ທີ່ມີສິດເລືອກຕັ້ງອາຍຸສູງ ແລະ ຄົນພິການ ຄາດວ່າ ຈະເປີດ ຫີບປ່ອນບັດໃຫ້ເລືອກ
ກ່ອນ ໃນວັນທີ 1 ກຸມພາ ປີ 2026.
ແຫຼ່ງທີ່ມາ: ຂກທ
ວັນທີ 23/12/2025