ຫວຽດນາມ ຢັ້ງຢືນຄຳໝັ້ນສັນຍາ ສຳລັບສິດທິມະນຸດ ທີ່ກອງປະຊຸມ AMM-59
ຕາມຂ່າວ (VOVWORLD), ຫວຽດນາມ ຈະສືບຕໍ່ປະຕິບັດບັນດາບຸລິມະສິດ, ໃນນັ້ນ ມີສິດທິມະນຸດໃນສະພາບການປ່ຽນ
ແປງຂອງດິນຟ້າອາກາດ ແລະ ການຫັນເປັນດີຈີຕອນ, ຄວາມສະເໝີພາບລະຫວ່າງຍິງ - ຊາຍ ແລະ ສິດທິຂອງບັນດາກຸ່ມເປົ້າໝາຍ
ທີ່ມີຄວາມສ່ຽງສູງກວ່າເພິ່ນ.
ກ່າວຄຳເຫັນໃນວາລະສົນ ທະນາກັບຄະນະກຳມະການລະຫວ່າງລັດຖະບານ ອາຊຽນ ກ່ຽວກັບສິດທິມະນຸດ (AICHR) ທີ່
ດຳເນີນໃນ ວັນທີ 20 ກໍລະກົດ, ຢູ່ ມະນິລາ, ຟີລິບປິນ, ທ່ານ ດັ້ງຮວ່າງຢາງ ຮອງລັດຖະມົນຕີກະຊວງການຕ່າງປະເທດ ຫວຽດ
ນາມ, ຫົວໜ້າເຈົ້າໜ້າທີ່ອາວຸໂສ ອາຊຽນ (SOM) ຂອງ ຫວຽດນາມ ຢັ້ງຢືນວ່າ ຫວຽດນາມ ຖືເປັນສຳຄັນບົດບາດຂອງ AICHR
ໃນການຊຸກຍູ້ການຮ່ວມມືກ່ຽວກັບສິດທິມະນຸດຢູ່ພາກພື້ນ; ພ້ອມທັງເນັ້ນໜັກວ່າ ຄຳໝັ້ນສັນຍາຂອງ ຫວຽດນາມ, ພາຍຫຼັງທີ່ໄດ້
ຮັບການເລືອກຕັ້ງອີກໜຶ່ງສະໄໝ ເຂົ້າໃນສະພາສິດທິມະນຸດ ສປຊ ອາຍຸການ 2026-2028, ຫວຽດນາມ ຈະສືບຕໍ່ປະຕິບັດບັນດາ
ບຸລິມະສິດ, ໃນນັ້ນ ມີສິດທິມະນຸດໃນສະພາບການປ່ຽນແປງຂອງດິນຟ້າອາກາດ ແລະ ການຫັນເປັນດີຈີຕອນ, ຄວາມສະເໝີພາບ
ລະຫວ່າງຍິງ-ຊາຍ ແລະ ສິດທິຂອງບັນດາກຸ່ມເປົ້າໝາຍທີ່ມີຄວາມສ່ຽງສູງກວ່າ, ພ້ອມທັງ ປາຖະໜາ ຢາກຮ່ວມມືກັບບັນດາປະ
ເທດອາຊຽນ ຢ່າງແໜ້ນແຟ້ນ ເພື່ອມີສຽງເວົ້າ ແລະ ປະກອບສ່ວນໃຫ້ການຮ່ວມມືດ້ານສິດທິມະນຸດສາກົນຢ່າງແຮງກວ່າອີກ. ທີ່ກອງ
ປະຊຸມ ຄະນະກຳມະການສົນທິສັນຍາອາຊີຕາເວັນອອກສ່ຽງໃຕ້ ບໍ່ແຜ່ຂະຫຍາຍອາວຸດນິວເຄຼຍ (SEANWFZ), ທ່ານຮອງລັດຖະ
ມົນຕີ ດັ້ງຮວ່າງຢາງ ສະເໜີໃຫ້ ອາຊຽນ ຜັນຂະຫຍາຍແຜນການເຄື່ອນໄຫວຢ່າງຄົບຖ້ວນ ແລະ ມີປະສິດທິຜົນ, ເພີ່ມທະວີບົດບາດ
ແລະ ການປະກອບສ່ວນເຂົ້າໃນຄວາມມານະພະຍາຍາມຫຼຸດຜ່ອນກຳລັງອາວຸດ ແລະ ການທະຫານ, ບໍ່ແຜ່ຂະ ຫຍາຍອາວຸດນິວເຄລຍ
ທົ່ວໂລກ.
ໃນວາລະສົນທະນາໃນກອງປະຊຸມລັດຖະມົນຕີກະຊວງການຕ່າງປະເທດ ອາຊຽນ ກັບ ຄະນະກຳມະການລະຫວ່າງລັດຖະບານ
ອາຊຽນ ກ່ຽວກັບສິດທິມະນຸດ (AICHR) ແລະ ກອງປະຊຸມຄະນະກຳມະການສົນທິສັນຍາ ອາຊຽນ ບໍ່ແຜ່ຂະຫຍາຍອາວຸດນິເຄຼຍ
ແມ່ນ 2 ການເຄື່ອນໄຫວທຳອິດໃນຂອບເຂດກອງປະຊຸມລັດຖະມົນຕີການຕ່າງປະເທດ ອາຊຽນ ຄັ້ງທີ 59 (AMM- 59) ແລະ ບັນ
ດາກອງປະຊຸມທີ່ກ່ຽວຂ້ອງ ເຊິ່ງໄດ້ດຳເນີນແຕ່ ວັນທີ 20-24 ກໍລະກົດ.
ແຫຼ່ງທີ່ມາ: ຂກທ
ວັນທີ 27/07/2026