ອູແກຣນ ເປີດທໍ່ສົ່ງນ້ຳມັນ ດຣູຊະບາ ຄືນໃໝ່ ເພື່ອແລກກັບເງິນກູ້ຢືມຈາກ ເອີຣົບ
ວິທະຍຸກະຈາຍສຽງຫວຽດນາມ ລາຍງານເມື່ອບໍ່ດົນມານີ້, ສື່ມວນຊົນ ເອີຣົບ ເປີດເຜີຍຂ່າວວ່າ: ອູແກຣນ ໄດ້ສ້ອມແປງທໍ່ຂົນສົ່ງ
ນ້ຳມັນ ດຣູຊະບາ ( Druzhba) ຂອງ ຣັດເຊຍ ໄປຍັງເອີຣົບ ທີ່ເປ່ເພ ເມື່ອຕົ້ນປີ 2026, ເຊິ່ງມາຮອດປັດຈຸບັນພ້ອມແລ້ວທີ່ຈະເຊື່ອມ
ຕໍ່ການສະໜອງຄືນໃໝ່.
ການເຄື່ອນໄຫວດັ່ງກ່າວ, ແມ່ນເພື່ອແນໃສ່ແກ້ໄຂສິ່ງກີດຂວາງ ເຊິ່ງປະເທດນີ້ເອີ້ນວ່າ ແມ່ນຮົ້ວກີດຂວາງສຸດທ້າຍ ເພື່ອຮັບປະກັນ
ວ່າ ຈະໄດ້ຮັບບ້ວງເງິນໜູນຊ່ວຍຈາກເອີຣົບ ມູນຄ່າເກືອບ 100 ຕື້ເອີໂຣ. ໃນຖະແຫຼງການສື່ສັງຄົມອອນໄລ, ທ່ານ ໂວໂລດີເມຍ ເຊເລນ
ສະກີ (Volodymyr Zelensky) ປະທານາທິບໍດີ ອູແກຣນ ກ່າວ ວ່າ: ອູແກຣນ ໄດ້ປະຕິບັດການສ້ອມແປງທໍ່ສົ່ງນ້ຳມັນ ດຣູຊະບາ ທີ່
ຖືກເປ່ເພໄດ້ສຳເລັດ ແລະ ພ້ອມແລ້ວທີ່ຈະເປີດນຳເຂົ້ານໍ້າມັນຄືນໃໝ່.
ພາຍຫຼັງການຢັ້ງຢືນເລື່ອງສ້ອມແປງສຳເລັດແລ້ວ, ອູແກຣນ ໄດ້ສະເໜີຕໍ່ ທ່ານ ນາງ ເອີຊູລາ ວອນ ເດ ເລເຢັນ (Ursula von der
Leyen), ປະທານຄະນະກຳມະການ ເອີຣົບ ກ່ຽວກັບ ບ້ວງເງິນກູ້ຢືມທີ່ມີມູນຄ່າ 90 ຕື້ເອີໂຣ ຫຼື ປະມານ (97,5 ຕື້ໂດລາສະຫະລັດ) ທີ່
ຖືກໂຈະໄວ້ກ່ອນໜ້ານັ້ນໃຫ້ພິຈາລະນາຄືນໃໝ່.
ແຫຼ່ງທີ່ມາ: ຂກທ
ວັນທີ 29/04/2026