ກຳປູເຈຍ-ໄທ ຫຼຸດລະດັບການພົວພັນທາງການທູດ
ທ່ານ ພູມທຳ ເວດຊະຍະໄຊ ຮັກສາການນາຍົກລັດຖະມົນຕີໄທ
ວັນທີ 23 ກໍລະກົດ 2025, ລັດຖະບານໄທ ໄດ້ຮຽກເອົາເອກອັກຄະຣາຊະ ທູດກຳປູເຈຍ ປະຈຳ ປະເທດໄທ ມາຊີ້ແຈງ, ພາຍຫຼັງ ເລື່ອງ
ພົນທະຫານ ໄທຄົນໜຶ່ງຢຽບກັບລະເບີດ ໄດ້ຮັບບາດເຈັບ ໜັກໃນຂະນະລາດຕະເວນຢູ່ເຂດ ຊາຍແດນແຂວງ ອຸບົນຣາຊະທານີ ໃນຕອນ ແລງ
ວັນທີ 23 ກໍລະ ກົດ ຜ່ານມາ.
ຕອນຄ່ຳວັນທີ 23 ກໍລະກົດ, ທ່ານ ພູມທຳ ເວດຊະຍະໄຊ ຮັກສາການນາຍົກລັດຖະມົນຕີ ໄທ ໃຫ້ສຳພາດຕໍ່ສື່ວ່າ: ລັດຖະບານໄທ ໄດ້
ຜັນຂະຫຍາຍບັນດາມາດຕະການຮັບມືທີ່ເໝາະສົມຕໍ່ເຫດການທີ່ເກີດຂຶ້ນຢູ່ເຂດຊາຍແດນ, ພ້ອມດຽວກັນນັ້ນ ກໍເນັ້ນໜັກວ່າ, ການດັດປັບລະ
ດັບການພົວພັນທາງການທູດກັບ ກຳປູເຈຍ ພວມໄດ້ຮັບການຊັ່ງຊາ.ໃນຕອນເຊົ້າມືດວັນທີ 24 ກໍລະກົດ ເລີ່ມມີການປະທະກັນດ້ວຍ ອາວຸດ
ສື່ມວນຊົນ ກຳປູເຈຍ ໄດ້ ລາຍງານຂ່າວຢ່າງກວ້າງຂວາງວ່າ: ລັດຖະບານ ຣາຊະອານາຈັກ ກຳປູເຈຍ ຕັດສິນໃຈຫຼຸດລະດັບການພົວພັນທາງການ
ທູດກັບໄທ ລົງເຫຼືອຂັ້ນເລຂາໂທ ແລະ ຮຽກບັນດາພະນັກງານທາງການທູດທີ່ພວມເຮັດວຽກຢູ່ສະຖານທູດ ກຳປູເຈຍ ປະຈຳ ນະຄອນຫຼວງບາງ
ກອກ ກັບຄືນປະເທດ. ພ້ອມດຽວກັນນັ້ນ, ກຳປູເຈຍ ກໍຮຽກຮ້ອງໃຫ້ບັນດາພະນັກງານການທູດຂອງໄທ ອອກຈາກປະເທດຕົນທັນທີ.
ແຫຼ່ງທີ່ມາ: ຂກທ
ວັນທີ 29/07/2025