ສະພາຄວາມໝັ້ນຄົງ ສປຊ ກະຕຸກຊຸກຍູ້ຟື້ນຟູ ການເຈລະຈານິວເຄລຍ ອີຣານ
ວັນທີ 26 ມິຖຸນາ 2025 ຂໍ້ຕົກລົງຢຸດຍິງ ເຊິ່ງທ່ານປະທານາທິບໍດີ ອາເມຣິກາ ປະກາດໃນຕອນຄ່ຳວັນທີ 23 ມິຖຸນາ ຜ່ານມາ ໄດ້
ເປີດໂອກາດ ເພື່ອໃຫ້ບັນດາຝ່າຍຫຼີກລ້ຽງການເພີ່ມເຫດວິນາດຊະກຳ ແລະ ບັນລຸໄດ້ມາດຕະການສັນຕິພາບສຳລັບບັນຫານິວເຄລຍ ຂອງ ອີຣານ.
ວັນທີ 25 ມິຖຸນາ ຜ່ານມາ, ສະພາຄວາມໝັ້ນຄົງ ສປຊ ໄດ້ດຳເນີນກອງປະຊຸມເປີດນັດສາມັນປະຈຳໄລຍະ, ປຶກສາຫາລືກ່ຽວກັບການ
ປະຕິບັດມະຕິສະບັບເລກທີ 2231 ລົງວັນທີ 20 ກໍລະກົດ 2015 ເອກະສານໃຫ້ສັດຕະຍາບັນຂໍ້ຕົກລົງນິວເຄລຍ ອີຣານ (ແຜນການດຳເນີນການ
ຮ່ວມຮອບດ້ານ-JCPOA). ກອງປະຊຸມໄດ້ດຳເນີນໃນສະພາບການ ອິດສະຣາແອນ ແລະ ອີຣານ ຫາກໍບັນລຸໄດ້ຂໍ້ຕົກລົງຢຸດຍິງໂດຍ ອາເມຣິກາ
ເປັນກາງໄກ່ເກ່ຍ, ຊ່ວຍຢຸດຕິການປະທະກັນທີ່ແກ່ຍາວເກືອບ 2 ອາທິດໄວ້ຊົ່ວຄາວ.
ຄຳເຫັນໃນການປຶກສາຫາລື, ຂໍ້ຕົກລົງຢຸດຍິງ ເຊິ່ງ ທ່ານປະທານາທິບໍດີ ອາເມຣິກາ ປະກາດໃນຕອນຄ່ຳວັນທີ 23 ມິຖຸນາ ໄດ້ເປີດໂອກາດ
ເພື່ອໃຫ້ບັນດາຝ່າຍຫຼີກລ້ຽງການເພີ່ມເຫດວິນາດຊະກຳ ແລະ ບັນລຸໄດ້ມາດຕະການສັນຕິພາບໃຫ້ແກ່ບັນຫານິວເຄລຍ ອີຣານ. ຍັງມີການແບ່ງ
ແຍກ ແລະ ທັດສະນະທີ່ແຕກຕ່າງກັນກໍຕາມ, ແຕ່ບັນດາຝ່າຍເຂົ້າຮ່ວມ JCPOA ລວມມີ ຈີນ, ຝຣັ່ງ, ເຢຍລະມັນ, ຣັດເຊຍ, ອັງກິດ, ອີຣານ
ລ້ວນແຕ່ເຄີຍຢ້ຳຄືນຄຳໝັ້ນສັນຍາສະໜັບສະໜູນການຊອກຫາມາດຕະການທາງການທູດ.
ແຫຼ່ງທີ່ມາ: ຂກທ
ວັນທີ 30/06/2025