ອູແກຣນ ຈະຖອນຕົວອອກຈາກ ສົນທິສັນຍາອົດຕາວາ
ວ່າດ້ວຍ ການເກືອດຫ້າມ ລະເບີດຕ້ານບຸກຄົນ
ວັນທີ 1 ກໍລະກົດ 2025 ປະທານາທິບໍດີ ອູ ແກຣນ ໄດ້ເຊັນດຳລັດ ອະນຸຍາດໃຫ້ເລີ່ມຂັ້ນຕອນຖອນຕົວອອກຈາກ “ ສົນທິສັນຍາ ອົດ
ຕາວາ ວ່າດ້ວຍ ການເກືອດຫ້າມ ລະເບີດຕ້ານບຸກຄົນ ”. ຫຼັງຈາກນັ້ນ, ສະພາລາດາສູງສຸດ ອູແກຣນ ຈະພິຈາລະນາ ຕໍ່ດຳລັດ ດັ່ງກ່າວ.
ກ່ອນໜ້ານີ້, ມີຫຼາຍປະເທດໃນເອີຣົບຕາເວັນອອກ ໄດ້ໂຈະການປະຕິບັດຕາມພັນທະຂອງສົນທິສັນຍາ ດັ່ງກ່າວ ໂດຍໄດ້ພິຈາລະນາເຖິງ
ບັນຫາດ້ານຄວາມໝັ້ນຄົງ. ກ່ອນໜ້ານີ້ມີ: ລິດຕົວນີ, ລັດເວຍ ແລະ ແອັດສະໂຕນີ ໄດ້ຍື່ນເອກະສານ ຂໍຖອນຕົວ ອອກຈາກ “ ສົນທິ ສັນຍາ
ອົດຕາວາ ວ່າດ້ວຍການເກືອດຫ້າມ ລະເບີດຕ້ານບຸກຄົນ” ໃຫ້ອົງການ ສະຫະປະຊາຊາດ. ອີງຕາມເນື້ອໃນຂອງສົນທິສັນຍາ ດັ່ງກ່າວ, 3 ປະ
ເທດນີ້ ຈະຖອນຕົວອອກຈາກ ສົນທິສັນຍາຢ່າງເປັນທາງການ ຫລັງຈາກນີ້ 6 ເດືອນ.
ສື່ມວນຊົນ ເອີຣົບ ແຈ້ງຂ່າວວ່າ: ແຟັງລັງ ແລະ ໂປໂລຍ ກໍໄດ້ເລີ່ມຂັ້ນຕອນຂໍຖອນຕົວອອກຈາກສົນທິສັນຍາ ດັ່ງກ່າວເຊັ່ນດຽວກັນ. ສຳ
ລັບ ສົນທິສັນຍາ ອົດຕາວາ ວ່າດ້ວຍການເກືອດຫ້າມ ລະເບີດຕ້ານບຸກຄົນ ມີຜົນບັງຄັບໃຊ້ ຢ່າງເປັນທາງການໃນປີ 1999 ໂດຍໄດ້ເກືອດຫ້າມ
ການນຳໃຊ້, ສະສົມ, ຜະລິດ ແລະ ໂອນລະເບີດ ດັ່ງກ່າວ.
ແຫຼ່ງທີ່ມາ: ຂກທ
ວັນທີ 03/07/2025