ຟີລິບປິນ ເຕືອນໜ່ວຍງານທ້ອງຖິ່ນເຝົ້າລະວັງ ພະຍາດ
ມືຕີນປາກຫຼັງພົບຈຳນວນຜູ້ຕິດເຊື້ອເພີ່ມຂຶ້ນ
ກະຊວງສາທາລະນະສຸກຟີລິບປິນ (DOH) ລາຍງານຫວ່າງບໍ່ດົນມານີ້ວ່າ: ໃນອາທິດດຽວມີຜູ້ຕິດເຊື້ອພະຍາດມື, ຕີນ, ປາກ
(HFMD) ຈຳນວນ 2.525 ຄົນ ເຮັດໃຫ້ຈຳນວນຜູ້ຕິດເຊື້ອສະສົມ ນັບແຕ່ເດືອນມັງກອນຈົນຮອດວັນທີ 16 ສິງຫາ ມີທັງໝົດ 39.893 ຄົນ.
DOH ລະບຸວ່າ: ປະມານ 50% ຂອງຜູ້ຕິດເຊື້ອເປັນເດັກນ້ອຍອາຍຸ 13 ປີ. ສຳນັກຂ່າວຊິນ ຮວາລາຍງານວ່າ: ຈຳນວນຜູ້ຕິດເຊື້ອ
HFMD ທີ່ເພີ່ມຂຶ້ນຢ່າງວ່ອງໄວ ເຮັດໃຫ້ DOH ຮຽກຮ້ອງໃຫ້ໜ່ວຍງານລັດທ້ອງຖິ່ນເພີ່ມຄວາມເຂັ້ມງວດໃນການເຝົ້າລະວັງພະຍາດໄວຣັສ
ທີ່ແຜ່ເຊື້ອນີ້. ພະຍາດ HFMD ເກີດຈາກເຊື້ອໄວຣັສກຸ່ມເອນເຕີໂຣໄວຣັສ (Enterovirus) ທີ່ມີຫຼາຍສາຍພັນ ເຊິ່ງມັກເກີດໃນເດັກ ໂດຍຜູ້
ຕິດເຊື້ອຈະມີອາການເປັນໄຂ້, ມີບາດແຜໃນປາກທີ່ເຈັບປວດ ແລະ ຜື່ນໂພງຕາມມື, ຕີນ ແລະ ກົ້ນ ໂດຍພະຍາດນີ້ແຜ່ເຊື້ອຜ່ານການສຳຜັດໃກ້
ຊິດກັບນ້ຳລາຍ, ຂີ້ມູກ, ຂອງເຫລວຈາກຕຸ່ມໂພງໜອງ ຫຼື ອຸຈາລະຂອງຜູ້ຕິດເຊື້ອ.
ແຫຼ່ງທີ່ມາ: ຂກທ
ວັນທີ 08/09/2025