ໄພນ້ຳຖ້ວມຢູ່ ອິນໂດເນເຊຍ ມີຜູ້ເສຍຊີວິດຫຼາຍກວ່າ 300 ຄົນ
ສຳນັກຂ່າວອິນໂດເນເຊຍ ລາຍງານວັນທີ 30 ພະຈິກ ຜ່ານມາວ່າ: ມີຜູ້ເສຍຊີວິດທັງໝົດ 303 ຄົນ ແລະ ຜູ້ສູນຫາຍ 279 ຄົນ ຍ້ອນ
ໄພນ້ຳຖ້ວມໄຫຼຊຸ ແລະ ດິນເຊາະເຈື່ອນ ຢູ່ສາມແຂວງຂອງເຂດ ເກາະສຸມາດຕຣາ (Sumatra) ຂອງອິນໂດເນເຊຍ.
ໃນນັ້ນ, ທາງທິດເໜືອຂອງເກາະ ມີຈຳນວນຜູ້ບາດເຈັບ ແລະ ເສຍຊີວິດສູງທີ່ສຸດ ປະມານ 166 ຄົນ, 143 ຄົນ ສູນຫາຍ ແລະ ປະຊາ
ຊົນກວ່າ 35.000 ຄົນ ໄດ້ຖືກຍົກຍ້າຍໄປຍັງບ່ອນປອດໄພ. ຂະນະດຽວກັນ ຍັງມີຫຼາຍເຂດຖືກຕັດຂາດ ບໍ່ສາມາດຕິດຕໍ່ພົວພັນກັບພາຍ
ນອກໄດ້, ປະຊາຊົນຜູ້ປະສົບໄພຈຳນວນຫຼາຍ ພວມດິ້ນຮົນ ຊອກຫາອາຫານ ແລະ ນ້ຳສະອາດ ເພື່ອເອົາຊີວິດລອດ.
ປັດຈຸບັນ, ລັດຖະບານ ອິນໂດເນເຊຍ ພວມພະຍາຍາມຍົກຍ້າຍຜູ້ປະສົບເຄາະຮ້າຍ, ລວມທັງການສະໜອງການຊ່ວຍເຫຼືອໃຫ້ແກ່ເຂດ
ຖືກນ້ຳຖ້ວມຍຶ່ງຂຶ້ນສູງ ທີ່ບໍ່ສາມາດຕິດຕໍ່ກັບພາຍນອກໄດ້. ອົງການອຸຕູນິຍົມອຸທົກກະສາດ ແລະ ພູມີຟີຊິກສາດ ອິນໂດເນເຊຍ ແຈ້ງເຕືອນ
ວ່າ, ປະຊາຊົນຄວນລະມັດລະວັງຕໍ່ບັນດາໄພພິບັດທີ່ອາດຈະເກີດຂຶ້ນອີກ.
ແຫຼ່ງທີ່ມາ: ຂກທ
ວັນທີ 08/12/2025