ການ​ລາດຕະເວນ​ຮ່ວມ ​​ຢູ່​ຕາມ​ລໍາ​ແມ່ນ້ຳ​ຂອງ​ ຄັ້ງ​ທີ 159 ໄດ້​ສຳເລັດ​ລົງ​ຢ່າງ​ຈົບງາມ

     ​ວັນ​ທີ 5 ທັນວາ ​ທີ່​ຜ່ານ​ມາ, ຄຽງ​ຄູ່​ກັບ​ເຮືອ​ປະຕິບັດ​ກົດໝາຍ​ເລກ​ທີ 53107 ຂອງ​ຝ່າຍ​ຈີນ ​ທີ່​ເຂົ້າ​ຮ່ວມ​ການ​ເຝິກຊ້ອມ​ຮ່ວມ​ລະຫວ່າງ
ຈີນ-ລາວ-ມຽນ​ມາ ໄດ້​ເຂົ້າ​ທຽບ​ທ່າ​ເຮືອ​ທີ່​ກ່ຽວຂ້ອງ​ຢູ່​ກິ່ງ​ແຂວງ ສິບ​ສອງ​ພັນ​ນາ​ແຂວງ​ຢຸນ​ນານ ສປ ຈີນ, ເປັນການ​ລາດຕະເວນ​ຮ່ວມ​ເພື່ອ​ປະ
ຕິບັດ​ກົດໝາຍ​ຢູ່​ຕາມ​ລໍາ​ແມ່ນ້ຳ​ຂອງ ​ຄັ້ງ​ທີ 159 ກໍ​ຄື​ກິດຈະກຳ​ແລກປ່ຽນ​ດ້ານ​ການ​ປະຕິບັດ​ກົດໝາຍ​ຕ່າງໆ​ລະຫວ່າງ​ຈີນ-ລາວ-ມຽນ​ມາ-ໄທ
ໄດ້​ສຳເລັດ​ລົງ​ຢ່າງ​ຈົບງາມ. ການເຄື່ອນໄຫວ​ຄັ້ງ​ນີ້​ໄດ້​ເລີ່ມ​ຂຶ້ນ​ໃນ​ວັນ​ທີ 25 ພະຈິກ​ຜ່ານມາ, ໃນ​ການເຄື່ອນໄຫວ​ຮ່ວມ​ທີ່​ດຳເນີນ​ເປັນ​ເວລາ 11
ວັນ, ພາກສ່ວນ​ປະຕິບັດ​ກົດໝາຍ​ທີ່​ກ່ຽວຂ້ອງ​ຂອງ​ຈີນ-ລາວ-ມຽນ​ມາ-ໄທ ໄດ້​ຈັດຕັ້ງ​ເຮືອ​ປະຕິບັດ​ກົດໝາຍ 7 ລຳ ແລະ ເຈົ້າ​ໜ້າທີ່​ປະຕິບັດ​
ກົດໝາຍ 160 ກວ່າ​ຄົນ, ໂດຍ​ໄດ້​ເດີນ​ເຮືອ​ລາດຕະເວນ1.600 ກວ່າ​ກິໂລແມັດ. ໃນໄລຍະເຝິກຊ້ອມຮ່ວມ, ຈີນ-ລາວ-ມຽນມາ ໄດ້ນໍາໃຊ້
ການເຄື່ອນໄຫວກວດກາ ແລະ ນໍາຈັບຜູ້ຮ້າຍແບບສະເທືອນນ້ຳສະເທືອນບົກຢູ່ເຂດນໍ້າທີ່ເປັນຈຸດສຸມ ແລະ ອ່ອນໄຫວຂອງແມ່ນ້ຳຂອງ, ໄດ້
ກວດກາເຮືອສັນຈອນໄປມາ ຂອງປະເທດຕ່າງໆ 19 ລໍາ ແລະ ຜູ້ກ່ຽວ 175 ຄົນ ພ້ອມດ້ວຍສິນຄ້າ 3.400 ກວ່າໂຕນ, ໂດຍໄດ້ປາບປາມການ
ກະທໍາທີ່ຜິດກົດໝາຍ ແລະ ການກໍ່ອາຊະຍາກຳປະເພດຕ່າງໆຢູ່ຕາມລໍາແມ່ນໍ້າຂອງ ຢ່າງມີປະສິດທິຜົນ.

ແຫຼ່ງທີ່ມາ: ຂກທ
ວັນທີ 10/12/2025