ບັນດາການນຳເອີຣົບຢັ້ງຢືນຄືນໃໝ່ຫຼັກໝັ້ນ ສະໜັບສະໜູນດານມາກ ໃນບັນຫາ ກຣີນແລນ
ວັນທີ 8 ມັງກອນ ນີ້ ບັນດາການນຳ ສະຫະພາບເອີຣົບ (EU) ຢັ້ງຢືນຄືນໃໝ່ຫຼັກໝັ້ນຕໍ່ບັນຫາເກາະ ກຣີນແລນ ແລະ ເນັ້ນໜັກວ່າ
ອະນາຄົດຂອງເຂດດິນແດນປົກຄອງດ້ວຍຕົນເອງທີ່ກວ້າງໃຫຍ່ຢູ່ຂົ້ວໂລກເໜືອໂດຍດານມາກຄຸ້ມຄອງນີ້ ຈະໄດ້ຮັບການຕັດສິນໂດຍຊາວ
ກຣີນແລນ ແລະ ດານມາກ.
ໃນບົດຄຳເຫັນສ້າງຂີດໝາຍອາຍຸການປະທານໝູນວຽນສະ ຫະພາບ ເອີຣົບ (EU) ຂອງປະເທດ ສາທາລະນະລັດ ໄຊປຣັດ, ທ່ານ
ອານໂຕນີໂອ ໂກສຕາ ປະທານສະພາເອີຣົບ ໄດ້ເນັ້ນໜັກເຖິງ ການສະໜັບສະໜູນ ແລະ ຄວາມສາມັກຄີຂອງກຸ່ມ 27 ປະເທດສະມາຊິກ
ທີ່ມີຕໍ່ດານມາກ ແລະ ກຣີນແລນ. ໃນວັນດຽວກັນ, ທ່ານລັດຖະມົນຕີການຕ່າງ ປະເທດ ເຢຍລະມັນ ກໍໄດ້ປະກາດວ່າທຸກບັນຫາທີ່ກ່ຽວ
ຂ້ອງເຖິງຄວາມໝັ້ນຄົງຢູ່ ຂົ້ວໂລກເໜືອຕ້ອງໄດ້ປຶກສາຫາລືໃນຂອບເຂດ ອົງການສົນທິສັນຍາ ອັດລັງຕິກເໜືອ (NATO) ແລະ ນັ້ນແມ່ນ
ສິ່ງທີ່ບັນດາປະເທດສຳພັນທະມິດພວມປະຕິບັດ.
ແຫຼ່ງທີ່ມາ: ຂກທ
ວັນທີ 13/01/2026