ຮົງກົງ ໄດ້ຮັບການປະເມີນເປັນກຸ່ມເສດຖະກິດເສລີທີ່ສຸດໃນໂລກ ອີກຄັ້ງໜຶ່ງ
ວັນທີ 6 ຕຸລາ ນີ້, ສະຖາບັນຄົ້ນຄວ້າຟຣາເຊີ ການາດາ ໄດ້ປະກາດ “ບົດລາຍງານຄວາມເສລີດ້ານເສດຖະກິດໂລກ ປະຈຳປີ 2026”.ຮົງ
ກົງ ໄດ້ຮັບການປະເມີນເປັນກຸ່ມເສດຖະກິດເສລີທີ່ສຸດໃນໂລກ ອີກຄັ້ງໜຶ່ງ. ໃນມື້ດຽວກັນ, ທ່ານໂຄສົກອົງການປົກຄອງເຂດບໍລິຫານພິເສດຮົງ
ກົງກ່າວວ່າ, ບົດລາຍງານດັ່ງກ່າວໄດ້ຢືນຢັນທ່າແຮງດ້ານຕະຫຼາດເສລີ ລວມທັງສະພາບແວດລ້ອມການດຳເນີນທຸລະກິດທີ່ເປີດປະຕູ, ມີປະສິດ
ທິຜົນສູງ ແລະ ຍຸດຕິທຳຂອງຮົງກົງ ອີກຄັ້ງໜຶ່ງ. ໂຄສົກທ່ານນີ້ກ່າວຕື່ມວ່າ: ຮົງກົງ ປະຕິບັດຕາມຫຼັກການປະເທດດຽວສອງລະບອບ ເຊິ່ງໄດ້ຮັບ
ການຄ້ຳຊູຂອງປະເທດຊາດ ແລະ ເຊື່ອມໂຍງກັບໂລກ, ມີການທະນາຄານ, ການຂົນສົ່ງທາງທະເລ, ການຄ້າ ແລະ ການບໍລິການມືອາຊີບທີ່ເຊື່ອມ
ຕໍ່ກັບມາດຕະຖານສູງສຸດຂອງສາກົນ, ທັງມີໂຄງສ້າງຈັດຕັ້ງອົງການປົກຄອງທີ່ມີປະສິດທິພາບສູງ, ຖັນແຖວລັດຖະກອນທີ່ສຸດຈະລິດ ແລະ ເປັນ
ມືອາຊີບ. ນັບແຕ່ປີນີ້ເປັນຕົ້ນມາ, ຮົງກົງໄດ້ສ້າງຜົນງານດີເດັ່ນໃນການລຽງລຳດັບກຳລັງແຂ່ງຂັນສາກົນຫຼາຍປະການ, ເຊິ່ງໄດ້ສະແດງໃຫ້ເຫັນ
ເຖິງທ່າແຮງແກນກາງຂອງຮົງກົງ ແລະ ຄວາມພະຍາຍາມຂອງອົງການປົກຄອງຮົງກົງໃນການຊຸກຍູ້ການພັດທະນາໃນຄຸນນະພາບສູງ ໄດ້ຮັບ
ຄວາມຮັບຮູ້ຢ່າງກວ້າງຂວາງຈາກປະຊາຄົມໂລກ.
ແຫຼ່ງທີ່ມາ: ຂກທ
ວັນທີ 13/10/2026