ລັດຖະມົນຕີຕ່າງປະເທດຣັດເຊຍ ແລະ ສປປ ເກົາຫຼີ ພົບປະສົນທະນາດ້ານຍຸດທະສາດ
ວັນທີ 12 ກໍລະກົດ ນີ້, ທ່ານ ເຊີເກ ລາບຣົບ ລັດຖະມົນກະຊວງການຕ່າງປະເທດຣັດເຊຍ ແລະ ທ່ານ ນາງ ໂຊຊອນຮຸຍ ລັດຖະມົນຕີກະ
ຊວງການຕ່າງປະເທດ ສປປ ເກົາຫຼີ ໄດ້ພົບປະສົນທະນາດ້ານຍຸດທະສາດລະດັບລັດຖະມົນຕີຕ່າງປະເທດ ຮອບທີ 2 ລະຫວ່າງສອງປະເທດ.
ໃນການສົນທະນາ, ສອງຝ່າຍໄດ້ກ່າວຢ້ຳເຖິງຫຼັກໝັ້ນແຫ່ງການປະສານງານດ້ານຍຸດທະສາດທີ່ເພີ່ມທະວີການຮ່ວມມືກັນໃນເວທີສາກົນ,
ປົກປັກຮັກສາອະທິປະໄຕແຫ່ງຊາດ ຜືນແຜ່ນດິນອັນຄົບຖ້ວນ ແລະ ຄວາມເປັນທຳສາກົນ. ສອງຝ່າຍໄດ້ແtລກປ່ຽນຄວາມເຫັນກ່ຽວກັບບັນຫາ
ສາກົນທີ່ສຳຄັນໃນປັດຈຸບັນນີ້ ແລະ ຢືນຢັນເປັນເອກະພາບກັນວ່າ: ເມື່ອປະເຊີນໜ້າກັບການຮຸກຮານແບບເຈົ້າອຳນາດທີ່ບັງອາດເປີດແປນກວ່າ
ເກົ່າຂອງອິດທິກຳລັງທີ່ເປັນປໍລະປັກກັນ, ສອງຝ່າຍ ສປປ ເກົາຫຼີ ແລະ ຣັດເຊຍ ຈະເພີ່ມທະວີການແລກປ່ຽນ ແລະ ການປະສານງານດ້ານຍຸດ
ທະສາດ. ສອງຝ່າຍຕົກລົງວ່າ: ການແລກປ່ຽນຄວາມເຫັນລະຫວ່າງອົງການນະໂຍບາຍຕໍ່ຕ່າງປະເທດຂອງສອງປະເທດ ລວມທັງການສົນທະນາ
ດ້ານຍຸດທະສາດລະດັບສູງ, ຈະສືບຕໍ່ດຳເນີນໄປໃນຫຼາຍລະດັບ.
ໃນໂອກາດພົບປະສົນທະນາດັ່ງກ່າວ, ສອງຝ່າຍ ໄດ້ເຫັນດີເປັນເອະພາບ ແລະ ລົງນາມໃນບົດແຜນການແລກປ່ຽນປີ 2026-2027 ລະ
ຫວ່າງສອງປະເທດດ້ວຍຜົນສໍາເລັດ.
ແຫຼ່ງທີ່ມາ: ຂກທ
ວັນທີ 15/07/2025