ອັດກອງປະຊຸມສະໄໝສາມັນ ເທື່ອທີ 10 ຂອງສະພາແຫ່ງຊາດ ຫວຽດນາມ ຊຸດທີ 15
ວັນທີ 11 ທັນວາ 2025 ນີ້ວ່າ ພາຍຫຼັງໄດ້ດຳເນີນມາເປັນເວລາ 40 ວັນ ຢູ່ຫໍປະຊຸມສະພາແຫ່ງຊາດ ນະຄອນຫຼວງ ຮ່າໂນ້ຍ, ກອງປະ
ຊຸມສະໄໝສາມັນ ເທື່ອທີ 10 ຂອງສະພາແຫ່ງຊາດ ຫວຽດນາມ ຊຸດທີ 15 ໄດ້ອັດລົງຢ່າງເປັນທາງການ, ໂດຍມີ ທ່ານ ໂຕເລີມ ເລຂາທິການ
ໃຫ່ຍ, ທ່ານ ເລືອງເກື່ອງ ປະທານປະເທດ, ທ່ານ ຟ້າມມິນຈິງ ນາຍົກລັດຖະມົນຕີ, ປະທານສະພາແຫ່ງຊາດ ພ້ອມດ້ວຍບັນດາການນຳ, ອະ
ດີດການນຳພັກ, ລັດ ແລະ ສສຊ ໄດ້ເຂົ້າຮ່ວມ.
ທ່ານ ເຈິ່ນ ແທັງເໝີ້ນ ປະທານສະພາແຫ່ງຊາດ ກ່າວວ່າ: ກອງປະຊຸມສະໄໝສາມັນ ເທື່ອທີ 10 ສະພາແຫ່ງຊາດ ຫວຽດນາມ ຊຸດທີ 15
ໄດ້ສຳເລັດທຸກເນື້ອໃນໂຄງການທີ່ໄດ້ວາງອອກ. ສະພາແຫ່ງຊາດໄດ້ພິຈາລະນາ, ປຶກສາຫາລື, ລົງມະຕິຮັບຮອງເອົາກົດໝາຍ 51 ສະບັບ, ມະຕິ
39 ສະບັບ. ນີ້ແມ່ນຈຳນວນຫຼວງຫຼາຍ ກວມເອົາເກືອບ 30% ດ້ານກົດໝາຍ, ມະຕິທັງໝົດທີ່ໄດ້ປະກາດໃຊ້ຂອງທັງອາຍຸການ, ບັນດາກົດໝາຍ,
ມະຕິໄດ້ຮັບຮອງເອົາທັງຕອບສະໜອງຄຳຮຽກຮ້ອງຂອງສະພາບຕົວຈິງ, ທັງສ້າງຂອບເຂດນິຕິກຳໃຫ້ແກ່ໄລຍະໃໝ່.
ໃນອາຍຸການ 5 ປີ ຜ່ານມາ, ປະທານນສະພາແຫ່ງຊາດ ໄດ້ເນັ້ນໜັກວ່າ: ເຖິງວ່າໄດ້ປະສົບຄວາມຫຍຸ້ງຍາກ, ສິ່ງທ້າທາຍຫຼາຍຢ່າງ ນັບແຕ່
ການລະບາດຂອງພະຍາດໂຄວິດໃນຕົ້ນອາຍຸການ ຮອດໄພທຳມະຊາດ, ພະຍຸນ້ຳຖ້ວມໃນທ້າຍອາຍຸການ, ສະພາແຫ່ງຊາດຊຸດທີ 15 ໄດ້ປັບຕົວ
ຢ່າງມີໄຫວພິບ, ຮັກສາຄວາມສາມັກຄີ ແລະ ບັນລຸໄດ້ໝາກຜົນຮອບດ້ານ. ພ້ອມຢືນຢັນວ່າ: ສະພາແຫ່ງຊາດຈະມານະພະຍາຍາມ ຕັດສິນໃຈ
ສູງກ່ວາເກົ່າ ເພື່ອປະຊາຊົນ ເພື່ອປະເທດຊາດ, ປະກອບສ່ວນສຳຄັນເພື່ອໃຫ້ປະເທດຊາດກ້າວເຂົ້າສູ່ສັງກາດໃໝ່.
ແຫຼ່ງທີ່ມາ: ຂກທ
ວັນທີ 15/12/2025