ໄທ-ກຳປູເຈຍ ມຸ່ງໄປເຖິງຂໍ້ຕົກລົງສັນຕິພາບ
ຕາມຂ່າວສານຫວຽດນາມ ລາຍງານວັນທີ 19 ຕຸລາ ນີ້ວ່າ: ການປຶກສາຫາລື ຄັ້ງທີ 4 ລະຫວ່າງ ອາເມຣິກາ, ມາເລເຊຍ, ໄທ ແລະ
ກຳປູເຈຍ ໄດ້ດຳເນີນໃນວັນທີ 17 ຕຸລາ ຢູ່ ນະຄອນຫຼວງກົວລາລຳເປີ ປະເທດມາເລເຊຍ ບັນລຸໄດ້ ບັນດາບາດກ້າວສຳຄັນໃນຄວາມ
ມານະພະຍາຍາມ ຟື້ນຟູການພົວ ພັນສອງຝ່າຍລະຫວ່າງ ໄທ ແລະ ກຳປູເຈຍ.
ແຈ້ງການກ່ຽວກັບການປຶກສາຫາລື, ວັນທີ 18 ຕຸລາ ທ່ານ ສີຮາສັກ ພວງເກດແກ້ວ ລັດຖະມົນຕີ ການຕ່າງປະເທດ ໄທ ໃຫ້ຮູ້ວ່າ:
ກອງປະຊຸມຄັ້ງນີ້ສຸມໃສ່ເຖິງການສ້າງຖະແຫຼງການຮ່ວມເພື່ອແນໃສ່ສ້າງກອບຮ່ວມມືແກ້ໄຂບັນດາບັນຫາຍັງຄົງຄ້າງ ລະຫວ່າງ ໄທ ແລະ
ກຳປູເຈຍ ດ້ວຍເປົ້າໝາຍຟື້ນຟູການພົວພັນສອງຝ່າຍທີ່ເປັນມິດຄືນໃໝ່. ສ່ວນກຳປູເຈຍ, ທ່ານ ປຣາກ ຊອກຮອນ ຮອງນາຍົກລັດຖະ
ມົນຕີ, ລັດຖະມົນຕີການຕ່າງປະເທດ ແລະ ຮ່ວມມືສາກົນ ກຳປູເຈຍ ໃຫ້ຮູ້ວ່າ: ຂໍ້ຕົກລົງສັນຕິພາບລະຫວ່າງສອງປະເທດ ທີ່ຈະໄດ້ຮັບ
ການລົງນາມ ຈະຊ່ວຍໃຫ້ກຳປູເຈຍ ແລະ ໄທ ຫັນການພົວພັນເປັນປົກກະຕິ, ມຸ່ງໄປເຖິງການຮ່ວມດຳ ລົງຊີວິດທີ່ມີສັນຕິພາບຄືບັນດາ
ປະເທດບ້ານໃກ້ເຮືອນຄຽງ.
ແຫຼ່ງທີ່ມາ: ຂກທ
ວັນທີ 21/10/2025