ຈີນເປີດໂຕ ລົດໄຟອັດສະລິຍະແລ່ນໄດ້ 200 ກິໂລແມັດຕໍ່ຊົ່ວໂມງ
ສາມາດຮຽນຮູ້ ແລະຕັດສິນໃຈເອງໄດ້
ວັນທີ 21 ກັນຍາ 2025 ສປ ຈີນ ໄດ້ເປີດໂຕລົດໄຟພາກພື້ນອັດສະລິຍະລຸ້ນໃໝ່ຫຼ້າສຸດ, ເປັນຜົນງານຂອງບໍລິສັດ CRRC
Qingdao Sifang ທີ່ຜະລິດໂດຍໃຊ້ເຕັກໂນໂລຊີ ແລະ ຊັບສິນທາງປັນຍາຂອງຈີນເອງທັງໝົດ. ຈຸດເດັ່ນຂອງມັນແມ່ນສາມາດ
ແລ່ນດ້ວຍຄວາມໄວສູງສຸດເຖິງ 200 ກິໂລແມັດຕໍ່ຊົ່ວໂມງ ພ້ອມກັບລະບົບຄວບຄຸມອັດສະລິຍະທີ່ສາມາດຮຽນຮູ້ ແລະ ຕັດສິນ
ໃຈໄດ້ດ້ວຍຕົວເອງ ຊຶ່ງຊ່ວຍຫຼຸດການເພິ່ງພາການຄວບຄຸມຈາກຄົນຂັບ.
ລົດໄຟລຸ້ນໃໝ່ນີ້ໄດ້ຖືກນຳມາເປີດໂຕໃນງານເທດສະການລະບົບຂົນສົ່ງມວນຊົນລົດໄຟໃຕ້ດິນສາກົນຈີນ ທີ່ເມືອງຊິງເຕົາ ແຂວງ
ຊານຕົງ, ໂດຍມີເປົ້າໝາຍ ເພື່ອໃຫ້ບໍລິການໃນເສັ້ນທາງລະຫວ່າງນະຄອນຫຼວງປັກກິ່ງກັບເຂດໃໝ່ຊົງອັນ ແຂວງເຫີເປີຍ ທາງຕອນ
ເໜືອຂອງປະເທດ.
ຜູ້ພັດທະນາໃຫ້ຂໍ້ມູນວ່າ: ເຕັກໂນໂລຊີດັ່ງກ່າວຈະຊ່ວຍເພີ່ມຄວາມປອດໄພ, ປະສິດທິພາບ ແລະ ຄວາມສະດວກສະບາຍໃນ
ການເດີນທາງລະຫວ່າງເມືອງ, ສະທ້ອນເຖິງຄວາມກ້າວໜ້າຂອງ ຈີນ ໃນການພັດທະນານະວັດຕະກຳດ້ານລະບົບທາງລົດໄຟ ແລະ
ປັນຍາປະດິດໃຫ້ເຂົ້າເຖິງຊີວິດປະຈຳວັນຂອງປະຊາຊົນ.
ແຫຼ່ງທີ່ມາ: ຂກທ
ວັນທີ 23/09/2025