ສ ເກົາຫຼີ ເປີດຮັບແຮງງານຕ່າງປະເທດໃນພາກກະສິກຳຈຳນວນຫຼາຍ
ສໍານັກຂ່າວອິນໂຟເຄວສ ລາຍງານໃນວັນທີ 27 ເມສາ ນີ້, ກະຊວງກະສິກຳ, ອາຫານ ແລະ ກິດຈະການ ຊົນນະບົດ ເປີດເຜີຍວ່າ:
ລັດຖະບານ ກຽມຮັບແຮງງານຕ່າງປະເທດຕາມລະດູການ ເຂົ້າສູ່ພາກກະສິກຳ ຈຳນວນ 93.500 ຄົນ ໃນໄລຍະ 6 ເດືອນຕົ້ນປີ ເຊິ່ງ
ເປັນຕົວເລກສູງ ເປັນປະຫວັດສາດ.
ແຮງງານຈຳນວນດັ່ງກ່າວ, ໄດ້ເພີ່ມຂຶ້ນຢ່າງມີໄລຍະສຳຄັນ ເມື່ອທຽບກັບປີທີ່ຜ່ານມາ ເຊິ່ງມີແຮງງານ ຕ່າງປະເທດ ໃນພາກກະສິ
ກຳ ຈຳນວນ 77.411 ຄົນ. ກະຊວງກ່ຽວຂ້ອງ ສ ເກົາຫຼີ ລະບຸວ່າ, ຈະສືບຕໍ່ຍົກລະດັບທັກສະແຮງງານຕ່າງປະເທດ ໂດຍຜ່ານການເຝິກ
ອົບຮົມຫຼາຍພາສາ, ພ້ອມທັງການປຶກສາຫາລື ກັບ ກະຊວງຍຸຕິທຳຂອງຕົນ ເພື່ອອອກວິຊ່າດ້ວຍຮູບແບບໃໝ່ ເພື່ອເປີດທາງໃຫ້ແຮງງານ
ທີ່ມີທັກສະສາມາດອາໄສ ແລະ ເຮັດວຽກ ໄດ້ຍາວນານຂຶ້ນ ໃນພາກກະສິກຳ ແລະ ການປະມົງ.
ນອກຈາກນັ້ນ, ລັດຖະບານ ສ ເກົາຫຼີ ພວມກຽມປັບປຸງສະພາບການຈ້າງງານ ແລະ ຍົກລະດັບມາດຕະຖານຄວາມປອດໄພ ໃນ
ສະຖານທີ່ເຮັດວຽກ ເພື່ອຮັບຮອງແຮງງານຕ່າງປະເທດ ທີ່ເພີ່ມຂຶ້ນ ໃນອະນາຄົດ.
ແຫຼ່ງທີ່ມາ: ຂກທ
ວັນທີ 29/04/2026